Mod (videoxogos)
Un mod, do inglés modification (en galego, modificación), é a alteración do contido dun videoxogo co propósito de facer que funcione dunha forma diferente á da versión orixinal. Os mods adoitan crearse para todo tipo de xéneros de videoxogos, sendo especialmente populares nos de FPS, rol e estratexia en tempo real. Estes mods non son software autosuficiente por si mesmos e requiren os videoxogos orixinais dos que parten para funcionar. Os mods adoitan incluír novos obxectos, armas, personaxes, inimigos, niveis ou reconversións do modo de xogo. Os que engaden novo contido ó xogo orixinal adoitan denominarse "conversións parciais", mentres que os crean novos xogos case por completo chámanse "conversións totais".
Lawrence Lessig describiu a creación de mods, chamada modding, como parte da "cultura remix". Os mods poden axudar a dar continuación ó éxito comercial do xogo orixinal, aínda cando este xa se considera anticuado.[1]
Notas
[editar | editar a fonte]- ↑ Sihvonen, Tanja (2011). Players Unleashed!: Modding the Sims and the Culture of Gaming. Media Matters 5. Amsterdam University Press. p. 57. ISBN 9789089642011.
Véxase tamén
[editar | editar a fonte]Bibliografía
[editar | editar a fonte]- Scacchi, Walt (2010). "Computer game mods, modders, modding, and the mod scene.". First Monday. ISSN 1396-0466. doi:10.5210/fm.v15i5.2965.
|
Este artigo sobre videoxogos é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |