Nati Mistral

Nati Mistral

Biografía
Nacemento	(es) Natividad Macho Álvarez 13 de decembro de 1928 Madrid, España
Morte	20 de agosto de 2017 (88 anos) Madrid, España
Causa da morte	Infarto cerebral (pt)
Outros nomes	Nati Mistral
Actividade
Ocupación	actriz de teatro, actriz de cinema, cantante
Instrumento	Voz
Premios
(2007)  Medalla de Ouro ao Mérito nas Belas Artes (2007)  Premio Cidade de Alcalá

Natividad Macho Álvarez, nada o 13 de decembro de 1928 en Madrid e finada o máis coñecida o 20 de agosto de 2017 na mesma cidade, foi unha actriz e cantante española máis coñecida polo seu nome artístico de Nati Mistral.

Traxectoria

Nati Mistral.

A actriz e cantante debe o seu apelido artístico á escritora Gabriela Mistral (1889-1945), da que súa nai era grande admiradora. Nos seus inicios, foi meritoria no Teatro Español, pasou pola emisora RADIO SEU e, cursou estudos de música, canto e declamación. Non obstante, tivo que saír fóra de España para que os directores se fixaran nela. Coa compañía Los Vieneses marchou a Alemaña, actuando como cantante. Foi Luis Escobar quen lle proporcionou o seu primeiro éxito importante ao contratala en 1957 para a revista musical Te espero en el Eslava e un ano despois, a súa continuación Ven y ven al Eslava. Xuntos tiveron novos éxitos nos anos seguintes cos musicais La Bella de Texas ou La Perrichola. Nati Mistral pode ser considerada a pioneira dos grandes musicais en España: protagonizou a primeira versión presentada en Madrid de El hombre de La Mancha, baixo dirección de José Osuna, en 1966.

Durante toda a súa carreira compaxinou a música co teatro, gravando cancións tan populares como Flor de té; Bajo los puentes de París; Mala entraña; Agua que no has de beber; Paisajes de Catamarca; Tata Dios; Guitarra, dímelo tú; Yo vi llorar a Dios; No soy de aquí; Bien se ve; El corralero; e La balada para un Loco. Cantou tamén unha das versións máis castizas da zarzuela La Gran Vía.

Triunfou como actriz dramática en producións de Divinas palabras, coa que se inaugurou o Teatro Belas Artes en 1961, Fortunata y Jacinta, 1969; Medea, 1970; Isabel Reina de Corazones, 1983, La Chunga, 1987; Los padres terribles, 1995; Café cantante, 1997; La Malquerida, 2000; La Celestina, 2001 e, máis recentemente, La Dorotea, 2001; Inés desabrochada, 2004, La duda, 2006 e Tras las huellas de Bette Davis, 2007. En Buenos Aires foi empresaria do seu propio teatro –o Avenida- xunto ao actor Alberto Closas.

Menos frecuentes foron as súas aparicións no cine, aínda que rodou, entre outras películas, Maria Fernanda la Jerezana (1946); Las inquietudes de Shanti Andía (1947); Currito de la Cruz (1949) ou Mi Buenos Aires querido (1962).

Galardóns

Entre os numerosos premios que recibiu encóntranse o Lazo de Dama de Isabel a Católica, o Premio da Asociación de Críticos de Nova York en 1970, o Nacional de Teatro en 1997, Premio Mayte, na súa categoría de Honra á súa traxectoria artística en 2006, a Medalla de Ouro das Belas Artes, en 2007, e tamén en 2007 o XI Premio Nacional de Teatro Pepe Isbert que concede AMITE, a Asociación Nacional de Amigos dos Teatros de España.

Véxase tamén

Ligazóns externas

• Luna de España Musical.
• Sitio "Mujer actual": Entrevista a Nati Mistral.