Pazo de Cela
| Pazo de Cela | |
|---|---|
 | |
| Concello | Cela, Cambre |
| Provincia | A Coruña |
| Comunidade | Galicia |
| Coordenadas | 43°17′22″N 8°19′44″O / 43.289444444444, -8.3288888888889 |
| Estilo arquitectónico | |
| Estilo orixinal | (século XVII) |
| Estilo actual | (século XVIII) |
| Estado actual | en bo estado |
| Véxase tamén | |
| Pazos de Galicia | |
| [ editar datos en Wikidata ] | |
O Pazo de Cela é un pazo de estilo barroco do século XVII situado na parroquia de Cela, no concello coruñés de Cambre, moi achegado á cidade da Coruña. De propiedade privada, no século XXI abre ao público como espazo para a celebración de banquetes de casamento ou bautizos.
Descrición
[editar | editar a fonte]Edificio
[editar | editar a fonte]O estilo é predominantemente barroco, cunha planta rectangular e cuberta de tella plana, conta con planta terrea e dous andares. Os muros son de fábrica de cachotaría de granito e cantaría nas contornas dos vans do primeiro andar. Destaca unha escaleira cun patín monumental de perpiaños de granito. Salientan dous escudos a ambos os dous lados da porta principal[1].
Xardinaxe
[editar | editar a fonte]A quinta, de 6.000 m², áchase amurallada, e conta cun xardín de estilo afrancesado, entre outros elementos de xardín, cun encoro, unha pérgola, un quiosco e un pavillón acristalado onde se celebran os eventos.
En canto á vexetación, conta con sebes de buxos, e diversos exemplares de palmeiras, plátanos, fentos arbóreos, camelias e criptomerias.