Régoa, Cedeira

Régoa
	Serra da Capelada.
Concello	Cedeira
Provincia	A Coruña
Coordenadas	43°40′36″N 8°01′58″O / 43.6767, -8.0327
Poboación	380 hab. (2017)
Entidades de poboación	25
	[ editar datos en Wikidata ]

Santa María de Régoa é unha parroquia que se localiza no concello de Cedeira, na comarca de Ferrol. Segundo o padrón municipal de 2007 tiña 398 habitantes (201 homes e 197 mulleres), distribuídos en 25 entidades de poboación, o que supón unha diminución en relación ao ano 1999 cando tiña 442 habitantes.

Xeografía

A parroquia de Régoa esténdese polas vertentes occidentais da Serra da Capelada, parte do val do río Condomiñas até os cumes da dita Serra da Capelada e mesmo parte da vertente oriental até os afluentes do río Seixo. Limita ao noroeste co océano Atlántico, entre a Boca da Ribeira e os cantís do monte da Herbeira; polo leste as parroquias de Landoi dende o rego Couce do Arresto, afluente do Seixo, até o rego do Ameneiro na Pasada das Mestas e a de Veiga polos altos da Capelada; polo sur linda coa parroquias de Montoxo separada polo rego do Feal até a ponte de Braxe e coa de Piñeiro na fonte da Balteira e o rego da Pontigas; polo oeste limita coas parroquias de Cedeira no río Condomiñas e a de Cervo.

A estrada que vai dende Cedeira até Chímparra cruza a parroquia polos lugares de Pontigas, Nogueira, O Canaval, Igrexa, Barral e Malde.

Patrimonio

Na beira dereita do regato do Barral e moi preto do Canaval está a igrexa parroquial na honra de Santa María. Se ben ten moita máis sona o santuario de Santo André de Teixido, erguido nun pequeno val pendurado do cantil, sobre unha antiga ermida pequena e que conta cun altar churrigueresco de certa notoriedade. Segundo Federico Maciñeira foi erguida no ano 1655 e reformada no 1785.

Lugares e parroquias

Lugares de Régoa

Lugares da parroquia de Régoa no concello de Cedeira
O Adro \| Balteiro \| O Barral \| As Barrosas \| A Bouza \| O Canaval \| A Casanova \| A Casavella \| O Coto \| Eiravedra \| Ervellás \| O Formigueiro \| Malde \| A Nogueira \| A Painceira \| A Pardiñeira \| As Pontigas \| Reboredo \| A Rúa \| O Taraño \| O Telleiro \| Tide \| O Toxo \| Veriño de Abaixo \| Veriño de Arriba

Parroquias de Cedeira

Galicia \| Provincia da Coruña \| Parroquias de Cedeira
Cedeira (Santa María do Mar) \| Cervo (Santalla) \| Esteiro (San Fiz) \| Montoxo (San Xiao) \| Piñeiro (San Cosme) \| Régoa (Santa María) \| San Román de Montoxo (San Román) \| Teixido (Santo André)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Outros artigos

Lugares de Cedeira

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[1]