Villa Diodati

A Villa Diodati é unha mansión situada en Coligny, moi preto de Xenebra e a carón do lago Léman.

Verán de 1816

É coñecida principalmente porque Lord Byron, acompañado polo seu médico persoal, John Polidori, hospedou na súa residencia a Mary Shelley e o seu home, Percey Shelley, aínda que por entón Mary e Percey aínda non estaban casados; el acababa de ser desherdado polo seu pai tras abandonar a súa muller e fillos para poder estar coa súa amada de 16 anos. O ano 1816 pasou á historia como o ano sen verán^[1], por culpa da erupción do volcán Tambora que enrareceu a atmosfera durante todo o ano. Confinados baixo o teito da vila, as conversas xiraban arredor do galvanismo e outros temas relacionados co ocultismo. Os catro, acompañados eventualmente pola medio irmá de Mary, remataron por retarse nunha competición para saber quen era capaz de escribir a mellor historia de terror^[2]. Só Frankenstein ou o moderno Prometeo de Shelley^[3] e The Vampyre^[4] de Polidori chegaron a cristalizar. A propia autora explica moitos destes acontecementos no prólogo da súa obra.

Outras épocas da villa

A villa comezou chamándose Villa Belle Rive, pero despois de que o tradutor Giovanni Diodati e a súa familia a habitaran quedaría vinculada a ese apelido para sempre. Frecuentemente coméntase que o poeta John Milton visitou a propiedade en 1634, pero este feito é discutido porque a Villa Diodati actual está datada en 1710^[5].

En 1945 o pintor Balthus viviu alí unha tempada^[6]. No 2011 o New York Times informaba de que a construción fora dividida en varios apartamentos^[7].

A pesar de pertencer a mans privadas e non ser un espazo visitable, a Villa Diodati segue sendo a día de hoxe lugar de peregrinación de moitos admiradores de Shelley e Byron ó seu carón existe un pequeno miradoiro dende onde se pode ver tanto o lago Leman como a casa.

Notas

↑ Fonseca, Xavi (25-5-2014). "1816: El auténtico año sin verano". La Voz de Galicia. Consultado o 3-9-2016.
↑ "Una noche, hace 200 años...". Consultado o 3-9-2016.
↑ Traducida do inglés por Fernando Rafael Tato Plaza e publicada por editorial Galaxia en 1999.
↑ "The Vampyre". Goodreads. Consultado o 3-9-2016.
↑ Clark, William S (1935). Milton and the Villa Diodati. Review of English Studies.
↑ Bal, Mieke (2008). Balthus: Works and Interviews. Distributed Art Pub Incorporated. p. p.156. ISBN 978-84-343-1165-7.
↑ Perrottet, Tony (27-5-2011). "Lake Geneva as Shelley and Byron Knew It". The New York Times. ISSN 0362-4331. Consultado o 3-9-2016.

Véxase tamén

[1] Fonseca, Xavi (25-5-2014). "1816: El auténtico año sin verano". La Voz de Galicia. Consultado o 3-9-2016.

[2] "Una noche, hace 200 años...". Consultado o 3-9-2016.

[3] Traducida do inglés por Fernando Rafael Tato Plaza e publicada por editorial Galaxia en 1999.

[4] "The Vampyre". Goodreads. Consultado o 3-9-2016.

[5] Clark, William S (1935). Milton and the Villa Diodati. Review of English Studies.

[6] Bal, Mieke (2008). Balthus: Works and Interviews. Distributed Art Pub Incorporated. p. p.156. ISBN 978-84-343-1165-7.

[7] Perrottet, Tony (27-5-2011). "Lake Geneva as Shelley and Byron Knew It". The New York Times. ISSN 0362-4331. Consultado o 3-9-2016.

[1]

[2]

[3]

[4]

[5]

[6]

[7]