Kulowc (sydlišćowa forma)
Kulowc je sydlišćowa forma, kotraž ma jeje wuchadźišćo w srjedźowěku. Wosebitosć je, zo su domske, dwory abo statoki w pódkowej formje rjadowane. Kulowcy namakaja so mjez Baltiskim morjom a Rudnymi horami, wosebje při něhdyšej hranicy mjez Słowjanami a Němcami. Jara derje zdźeržane su kulowcy w hannoverskim Wendlandźe, ale tež we Łužicy namakamy rjane přikłady, kaž na př. w Swinjarni.