Lejno (Pančicy-Kukow)

**Lejno**
Lehndorf
	Lejno (Pančicy-Kukow) na karće Hornjeje Łužicy
	Lejno (Pančicy-Kukow) na karće Hornjeje Łužicy
gmejna:	Pančicy-Kukow
zagmejnowanje:	1974
wobydlerstwo:	114 (31. decembra 2022)
přestrjeń:	1,61 km²
wysokosć:	190–205 metrow n.m.hł.
	51.21916666666714.249166666667190–205 Koordinaty: 51° 13′ 9″ S, 14° 14′ 57″ W
póstowe čisło:	01920
předwólba:	035796
	Lejnjanski hród w lěće 1859 Lejnjanski hród w lěće 1859
	wikidata: Lejno (Q165117)

Lejno (němsce Lehndorf) je hornjołužiska serbska wjes ze 114 wobydlerjemi^[2] w srjedźišću Budyskeho wokrjesa. Słuša wot lěta 1974 ke gmejnje Pančicy-Kukow. Do toho běše samostatna gmejna z wjesnymi dźělemi Zejicy a Časecy.

Wjes leži něhdźe 15 km sewjerozapadnje Budyšina. W Lejnje wužórli so rěčka Satkula.

Stawizny

Sydlišćo naspomni so prěni raz pisomnje w lěće 1423 pod mjenom Leyn a běše wot 17. lětstotka sydło ryćerkubła.^[3] Do toho wukonješe ležownostne knjejstwo ryćerkubło w Čerwjenych Noslicach, při čimž měješe tež Budyski krajny bohot podźěl wjeski.

Dnja 2. septembra 1877 zahra so w dźensnišim Kubicec hosćencu prěni raz na wsy serbske dźiwadło.^[4]

Wobydlerstwo

Po Mukowej statistice z lětow 1884/85 rěčachu tehdy 95 wot cyłkownje 106 Lejnjanow serbsce (90 %).^[5] Arnošt Černik zwěsći w lěće 1956 gmejnje serbskorěčny podźěl wobydlerstwa wot hišće 50,2 %.^[6]

Dla swojeho wulkeho ryćerkubła a přisłušnosće k ewangelskim knjezam měješe Lejno tradicionelnje chětro wysoki podźěl protestantow. W lěće 1925 běchu wot cyłkownje 169 wobydlerjow 90 katolskich (53 %) a 78 ewangelskich. Katolscy wěriwi přisłušeja Chróšćanskej wosadźe, ewangelscy chodźa do Hornjeho Wujězda.^[3]

Wobchad

Lejno leži při statnej dróze S100 (Budyšin–Kamjenc). Přez wjes wjedźe busowa linija 530, kotraž zwjazuje Lejno hodźinsce z Budyšinom a Kamjencom.

Žórła

↑ staw: 31. decembra 2022; am-klosterwasser.de
↑ 2022; am-klosterwasser.de
↑ ^3,0 ^3,1 Lejno w Digitalnym stawizniskim zapisu městnow Sakskeje (němsce)
↑ Plakat za dźiwadłowe předstajenje w Lejnje na sachsen.digital
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 251. [221 wobydlerjow, z nich 76 dorosćenych z aktiwnymi znajomosćemi serbšćiny, 5 z pasiwnymi, 30 serbskich dźěći a młodostnych, 110 bjez znajomosćow] → wšě wjeski

Wotkaz

Commons: Lejno – Zběrka wobrazow, widejow a awdiodatajow

Wsy w gmejnje Pančicy-Kukow

[1] staw: 31. decembra 2022; am-klosterwasser.de

[2] 2022; am-klosterwasser.de

[HOV-3] 3,0 ^3,1 Lejno w Digitalnym stawizniskim zapisu městnow Sakskeje (němsce)

[4] Plakat za dźiwadłowe předstajenje w Lejnje na sachsen.digital

[5] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

[6] Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 251. [221 wobydlerjow, z nich 76 dorosćenych z aktiwnymi znajomosćemi serbšćiny, 5 z pasiwnymi, 30 serbskich dźěći a młodostnych, 110 bjez znajomosćow] → wšě wjeski

[1]

[2]

[3]

[4]

[5]

[6]