Սոֆյա Մելիքյան
| Սոֆյա Մելիքյան | |
|---|---|
| Ծնվել է | փետրվարի 11, 1978 (46 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | դաշնակահարուհի |
| Գործիքներ | դաշնամուր |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան, Մադրիդի թագավորական կոնսերվատորիա, Փարիզի Նորմալ երաժշտական դպրոց և Մանհեթենի երաժշտական դպրոց |
| Կայք | sofyamelikyan.com |
Սոֆյա Մելիքյան (փետրվարի 11, 1978, Երևան, Հայկական ԽՍՀ, ԽՍՀՄ), հայ դաշնակահար։
Կենսագրություն
Սոֆյա Մելիքյանը ծնվել է 1978 թվականին Երևանում։ Սովորել է Երևանի Պյոտր Չայկովսկու անվան երաժշտական դպրոցում (Անահիտ Շահբազյանի դասարան)[1]։ 1994 թվականին տեղափոխվել է Իսպանիա, սովորել Մադրիդի թագավորական կոնսերվատորիայում (Խոակին Սորիանոյի դասարան), Փարիզի նորմալ երաժշտական դպրոցում (Ռամզի Յասայի դասարան) և Նյու Յորքի Մանհեթենի երաժշտական դպրոցում (արժանացել է Սոլոմոն Միկովսկու անվան կրթաթոշակի)։ Մասնակցել է Վիտալի Մարգուլիսի, Ջոն Օ’Քոնորի և այլ հանրահայտ երաժիշտների վարպետության դասերին։ Հյուրախաղերով հանդես է եկել Իսպանիայում, Գերմանիայում, Ֆրանսիայում, Ռուսաստանում, Կանադայում, Հայաստանում, Ճապոնիայում, Ավստրալիայում, Իտալիայում, Սերբիայում, ԱՄՆ-ում[2] և այլն։ Ելույթ է ունեցել Հայաստանի ֆիլհարմոնիկ, Իսպանիայի ռադիոյի և հեռուստատեսության, Կորդոբայի, Վալենսիայի սիմֆոնիկ, Նոր Եվրոպայի կամերային, Անդալուչիայի ֆիլհարմոնիկ և այլ նվագախմբերի հետ։ Մելիքյանի ելույթները հեռարձակվել են աշխարհի առաջատար հեռուստաընկերություններով, այդ թվում Իսպանիայի, Հայաստանի հանրային հեռուստատեսությամբ, Կատալոնիայի ազգային ռադիոյով, Չիկագոյի WFMT ռադիոկայանով, Muzzik French հեռուստակայանով, New York WXQR ռադիոկայանով և այլն։ Մելիքյանի թողարկել է ձայնասկավառակներ, որտեղ ներառված են Յոզեֆ Հայդնի, Ռոբերտ Շումանի, Սերգեյ Ռախմանինովի, Իսաակ Ալբենիսի, Արամ Խաչատրյանի ստեղծագործություններից[3]։
Մրցանակներ
- Իսպանիայի Իբիցայի դաշնակահարների միջազգային մրցույթում Լինարեսի դաշնակահարների միջազգային մրցույթի առաջին մրցանակ և Բացառիկ երաժշտական տաղանդ մրցանակ
- Առաջին մրցանակ երաժշտական կատարման համար, “Amigos del Colegio de España”
- 15th Jose Iturbi and Maria Canals միջազգային մրցույթների հատուկ մրցանակ
- Դաշնակահարների միջազգային մրցույթի 2-րդ մրցանակ[2]
Ծանոթագրություններ
- ↑ Baghdasaryan, Aram. «AV Production - Սոֆյա Մելիքյան». avproduction.am. Վերցված է 2018-02-11-ին.
- ↑ 2,0 2,1 PA, James Acklin- Pittsburgh,. «String Orchestra of Brooklyn » Sofya Melikyan with the Musica Bella Orchestra starting TOMORROW!». www.thesob.org (ամերիկյան անգլերեն). Վերցված է 2018-02-11-ին.
{{cite web}}: CS1 սպաս․ բազմաթիվ անուններ: authors list (link) CS1 սպաս․ հավելյալ կետադրություն (link) - ↑ «Sofya Melikyan - Distinguished Artists Concert and Lecture Series». Distinguished Artists Concert and Lecture Series (ամերիկյան անգլերեն). Արխիվացված է օրիգինալից 2017-07-11-ին. Վերցված է 2018-02-11-ին.
{{cite news}}: Unknown parameter|dead-url=ignored (|url-status=suggested) (օգնություն)
Արտաքին հղումներ
| ||||||||||
