Դարրեն Հեյզ
| Դարրեն Հեյզ | |
|---|---|
 | |
| Հիմնական տվյալներ | |
| Ի ծնե անուն | անգլ.՝ Darren Stanley Hayes |
| Ծնվել է | մայիսի 8, 1972[1] (52 տարեկան) Բրիսբեն, Ավստրալիա[1] |
| Երկիր |  Ավստրալիա |
| Ժանրեր | փոփ և սինթիփոփ |
| Մասնագիտություն | հեղինակ-կատարող, երգիչ, բանաստեղծ և կատակերգու |
| Երգչաձայն | տենոր և լիրիկական տենոր |
| Գործիքներ | վոկալ |
| Լեյբլ | Columbia Records |
| Անդամակցություն | Savage Garden? |
| Կայք | darrenhayes.com |
 Darren Hayes Վիքիպահեստում | |
Դարրեն Սթենլի Հեյզ (անգլ.՝ Darren Stanley Hayes, մայիսի 8, 1972[1], Բրիսբեն, Ավստրալիա[1]), ավստրալիացի երգիչ, բանաստեղծ և երգահան, «Savage Garden» դուետի նախկին մենակատար։ 2015 թվականին սկսել է սթենդ ափ-կոմիկի գործունեությունը և հեռացել երաժշտական արդյունաբերությունից։
Կենսագրություն
[խմբագրել | խմբագրել կոդը]Ընտանիքում երեք երեխաներից եղել է ամենակրտսերն ու տաղանդավորը։ 11 տարեկան հասակում Դարրենն սկսել է երգել երգչախմբում, տարվել է երաժշտությամբ, լսել է տեղական խմբերին։ Դպրոցում եղել է ջանասեր, ոչնչով չառանձնացող աշակերտ։ Զբաղվել է երաժշտությամբ և պարբերաբար մասնակցել դպրոցի թատերական բեմադրություններին։
Այնուհետև ընդունվել է մանկավարժական քոլեջ, որտեղ սովորել է երկու տարի և ընտրել երաժշտի կարիերան։ Ոմն Դենիել Ջոնս իր խմբի համար վոկալիստ էր փնտրում։ Դարրեն Հեյզը եղել է միակը, որ արձագանքել է այդ կոչին՝ չնայած իր՝ ոչ մի վոկալային փորձ չունենալուն։ «Երբ ես ծանոթացա Դենիելի հետ, ես կարծես վերադարձա տուն», - ավելի ուշ հիշել է Հեյզը։ Առաջին հանդիպումից նրանց միջև հաստատվել է լիակատար փոխըմբռնում, իսկ ժամանակի ընթացքում նրանք դարձել են ամենամտերիմ ընկերներ։
Այն բանից հետո, երբ «Savage Garden»-ը փլուզվել է, Դարրեն Հեյզն սկսել է անհատական գործունեությունը։ Առաջին ձայնասկավառակը՝ «Spin» (2002), պատրաստել էր Ուոլթեր Աֆանասիեֆի հովանավարության ներքո, որը գրել և պրոդյուսերավորել էր նյութի գերակշռող մասը։ «Insatiable» սինգլն արագընթաց կերպով գլխավորել է ավստրալիական չարթը և նշվել ամերիկյան «Тор 40»-ում։ Երկու տարի անց Դարրենը թողարկել է երկրորդ ալբոմը՝ «The Tension and the Spark» (2004): Բոլոր երգերը նա գրել և պրոդյուսերավորել է ինքնուրույն։
«Anders | Fahrenkrog» դուետի («Modern Talking» խմբի նախկին մենակատար Թոմաս Անդերս և «Nena» խմբի պրոդյուսեր Յորն Ուվե Ֆարենկրոգ Փիթերսեն) ալբոմի «No More Tears On The Dancefloor» երգը գրված է Դարրեն Հեյզի համահեղինակությամբ։
Անձնական կյանք
[խմբագրել | խմբագրել կոդը]1994 թվականին Հեյզն ամուսնացել է դիմահարդար Քոլբի Թեյլորի հետ, որին սիրահարված էր մանկուց[2]։ Նրանք բաժանվել են 1998 թվականին և պաշտոնապես ամուսնալուծվել 2000 թվականին[2]։ «Savage Garden» խմբի երկրորդ ալբոմի՝ «Affirmation»-ի երգերի մեծ մասը նվիրված է նրանց բաժանմանը[2]։
2000-ական թվականների սկզբին Հեյզը՝ որպես գեյ, սկսել է քամինգ աութ կատարել իր մտերիմների և գործընկերների մոտ[2]։ 2005 թվականի հուլիսի 23-ին կայացել է Հեյզի և նրա բոյֆրենդի՝ նկարիչ Ռիչարդ Կալենի ամուսնության մասնավոր արարողությունը։ Ամուսնու հետ երգիչը ծանոթացել է ամուսնությունից մեկ տարի առաջ։ 2006 թվականի հունիսի 19-ին նրանք պաշտոնապես մտել են քաղաքացիական ամուսնության մեջ[3]։ Կալիֆոռնիայում զույգերի նույնասեռ ամուսնությունների թույլտվության մասին օրենքի ընդունումից հետո՝ 2013 թվականի հուլիսի 15-ին, նրանք օրինականացրել են իրենց հարաբերությունները[3]։
Սկավառակագրություն
[խմբագրել | խմբագրել կոդը]- Spin (2002) #35 ԱՄՆ, #2 Մեծ Բրիտանիա, #3 Ավստրալիա
- The Tension and the Spark (2004) #13 Մեծ Բրիտանիա, #8 Ավստրալիա
- This Delicate Thing We’ve Made (2007)
- We Are Smug (2009) (զուգերգ Ռոբերտ Քոնլիի հետ)
- Secret Codes And Battleships (2011)
Սինգլներ
[խմբագրել | խմբագրել կոդը]Spin ալբոմից՝
- Insatiable (2002)
- Strange Relationship (2002)
- I Miss You (2002)
- Crush (1980 Me) (2002)
The Tension And The Spark ալբոմից՝
Truly Madly Completely: The Best Of Savage Garden (Savage Garden ալբոմ) թողարկումից՝
- So Beautiful (2005)
This Delicate Thing We’ve Made ալբոմից՝
- On The Verge of Something Wonderful (2007)
- Who Would Have Thought (2007)
- Me Myself and (i) (2007)
- Casey (2008)
Secret Codes And Battleships ալբոմից՝
- Talk Talk Talk (2011)
- Black Out The Sun (2011) — single for the UK & World (minus Australia)
- Bloodstained Heart (2011) — single for Australia
- Stupid Mistake (2012)
DVD
[խմբագրել | խմբագրել կոդը]- Too Close For Comfort Tour Film (2006)
- A Big Night In With Darren Hayes (2006)
- The Time Machine Tour (2008)
- This Delicate Film We’ve Made (2008)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Hayes Darren Stanley // The International Who's Who in Popular Music 2002 — Routledge, 2002. — 656 p. — ISBN 978-1-85743-161-2
- ↑ 2,0 2,1 2,2 2,3 «Darren Hayes». 2012 թ․ հունվարի 29. Արխիվացված է օրիգինալից 2012 թ․ հունվարի 29-ին. Վերցված է 2017 թ․ օգոստոսի 24-ին.
- ↑ 3,0 3,1 «Bio | Darren Hayes» (անգլերեն). darrenhayes.com. Արխիվացված է օրիգինալից 2017-09-12-ին. Վերցված է 2017 թ․ օգոստոսի 24-ին.
Արտաքին հղումներ
[խմբագրել | խմբագրել կոդը]- Պաշտոնական կայք(անգլ.)
 | Վիքիպահեստն ունի նյութեր, որոնք վերաբերում են «Դարրեն Հեյզ» հոդվածին։ |
| ||||||||||||||||||||||||
