Հոռնբլենդ

Հոռնբլենդ
Կատեգորիա	միներալների շարք
Բյուրեղային համակարգ	Մոնոցիկլիկ բյուրեղային համակարգ
Ենթակատեգորիա	calcium amphibole subgroup? և ամֆիբոլներ

Հոռնբլենդ, եղջրախաբ,

1. առավել տարածված ապար կազմող միներալ մոնոկլինային ամֆիբոլների խմբից (սովորական Հոռնբլենդ)։ Քիմիական կազմը՝ ($Ca,Na,K$) 2-3 ($Mg,Fe^{2+},Fe^{3+},Al)_{5}[(OH.F)_{2}(Si,Al)_{2}Si_{6}O_{22}]$, հաստատուն չէ։ Բյուրեղագիտական համակարգը մոնոկլինային է։ Առաջացնում է ձգված պրիզմատիկ և անկանոն հատիկներ, թելավոր ագրեգատներ։ Գույնը՝ կանաչ, սև, գորշ։ Կարծրությունը՝ 5-6, խտությունը՝ 3020-3450 կգ/մ³։ Սովորական հոռնբլենդը գրանիտոիդների, գաբբրոիդների և մետամորֆային ապարների բնորոշ միներալն է։ Հաճախ առաջանում է պիրոքսենի հաշվին։
2. Կալցիումի ամֆիբոլների ենթախումբ, որը միավորում է սովորական հոռնբլենդը, էդենիտը, չերմակիտը, պարգասիտը և ֆերոհաստինգսիտը։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 546)։