Սթիվեն Նայթ
| Սթիվեն Նայթ | |
|---|---|
 | |
| Ծննդյան թիվ՝ | օգոստոսի 5, 1959[1][2][3] (65 տարեկան) |
| Ծննդավայր՝ | Բիրմինգհեմ, Ուորիքշիր, Անգլիա, Միացյալ Թագավորություն |
| Քաղաքացիություն՝ |  Միացյալ Թագավորություն |
| Մասնագիտություն՝ | սցենարիստ, կինոռեժիսոր, գործադիր պրոդյուսեր և գրող |
| Պարգևներ՝ | |
| IMDb։ | ID 1140275 |
Սթիվեն Նայթ (օգոստոսի 5, 1959[1][2][3], Բիրմինգհեմ, Ուորիքշիր, Անգլիա, Միացյալ Թագավորություն), անգլիացի սցենարիստ և ռեժիսոր։ Նայթը սցենարներ է գրել այնպիսի ֆիլմերի համար, ինչպիսիք են «Փակ հանգույց»-ը, «Կեղտոտ գեղեցիկ բաներ»-ը և «Արևելյան խոստումներ»-ը, իսկ «Լոք» և «Կոլիբրի» ֆիլմերում նա կատարել է ինչպես սցենարիստի, այդպես էլ ռեժիսորի աշխատանքը։
Նայթը նույնպես «Ո՞վ է ուզում դառնալ միլիոնատեր» շոուի երեք հեղինակներից մեկն է։ Այս շոուի ձևաչափով տարբեր խաղեր և շոուներ են ստեղծվել աշխարհի ավելի քան 160 երկրներում։ Նա նաև BBC-ի «Առևտրային ձախողում», «Դետեկտիվներ», «Սուր հովարներ» և «Տաբու» հեռուստասերիալների սցենարների հեղինակն է։
Անձնական կյանք
[խմբագրել | խմբագրել կոդը]Նայթը անգլերեն է սովորել Լոնդոնի համալսարանական քոլեջում (UCL), որտեղ նա պատվավոր անդամ է։ Երեք երեխա ունի։ Նա Բիրմինգհեմ Սիթի ֆուտբոլային ակումբի երկրպագուն է։
2020 թվականին Սթիվեն Նայթը ստացել է Բրիտանական կայսրության շքանշան դրամային, զվարճության և Բիրմինգհեմի համայնքին մատուցած ծառայությունների համար։
Սցենարներ
[խմբագրել | խմբագրել կոդը]Նայթն առավել հայտնի է, որպես «Կեղտոտ գեղեցիկ բաներ» և «Արևելյան խոստումներ» ֆիլմերի սցենարների հեղինալ։ Իր աշխատանքի համար «Կեղտոտ գեղեցիկ բաներ» ֆիլմում նա արժանացել է Էդգարի մրցանակին «Լավագույն սցենար ֆիլմի համար» անվանակարհում և Լոնդոնի ֆիլմերի քննադատների խմբակի մրցանակին՝ «Տարվա բրիտանացի սցենարիստ» անվանակարգում[5]։ Սցենարը նաև առաջադրվել է մի շարք այլ մրցանակների, ներառյալ Օսկար լավագույն օրիգինալ սցենարի համար[6] և BAFTA լավագույն բնօրինակ սցենարի համար մրցանակները[7]։
Նայթը նաև սցենար է գրել 2013 թվականին լույս տեսած «Փակ հանգույց» ֆիլմի համար, որի ռեժիսորը Ջոն Քրոուլին էր, իսկ գլխավոր դերերում՝ Էրիկ Բանան և Ռեբեկա Հոլը[8][9]։
Գործունեություն որպես ռեժիսոր
[խմբագրել | խմբագրել կոդը]Բացի սցենարիստ լինելուց, Նայթն եղել է նաև «Լոք» և «Կոլիբրի» ֆիլմերի ռեժիսոր։ «Կոլիբրի» ֆիլմի գլխավոր դերում էր Ջեյսոն Սթեթհեմը, իսկ «Լոք»-ում՝ Թոմ Հարդին։ «Լոք»-ը ստացել է 2013 թվականի Բրիտանական անկախ կինոյի մրցանակը «Լավագույն սցենար» անվանակարգում։
Նայթը նաև եղել իր կողմից գրված «Դետեկտիվներ» հեռուստասերիալի մի քանի դրվագների ռեժիսորը։ Երրորդ ֆիլմն, որտեղ նա կատարել է ռեժիսորի աշխատանքը «Հանգստություն» ֆիլմն է, որի հեղինակը նույնպես նա է։ Գլխավոր դերերը կատարել են Մեթյու Մակքոնահին, Դայան Լեյնը և Էն Հեթուեյը։ Ֆիլմը լույս է տեսել 2019 թվականին։
Գործունեություն հեռուստասերիալներում
[խմբագրել | խմբագրել կոդը]Սթիվեն Նայթը նաև ստեղծել է «Ո՞վ է ուզում դառնալ միլիոնատեր» շոու-հեռուստասերիալը (Մայք Ուայթհիլի և Դևիդ Բրիգսի հետ միասին) և «Show do Milhão» ու «Ամեն ինչ իմ մասին» հեռուստասերիալները։
Նա նաև ստեղծել է «Սուր հովարներ» հեռուստասերիալը և սցենարներ գրել այնպիսի սերիալների համար, ինչպիսիք են BBC-ի «Առևտրային ձախողում» (Ջիմի Քարի հետ), «Դետեկտիվներ», «Տաբու», «Կատակերգության թատրոն» (1993 թվականի «Խուսափել» դրվագի համար), «Մորաքրոջ մեծ շարովարներ» և «Պահածոյացված գազար» հեռուստասերիալները։
Ծանոթագրություններ
[խմբագրել | խմբագրել կոդը]- ↑ 1,0 1,1 NUKAT — 2002.
- ↑ 2,0 2,1 MAK (польск.)
- ↑ 3,0 3,1 datos.bne.es (իսպ.): El portal de datos bibliográficos de la Biblioteca Nacional de España — 2011.
- ↑ Who's who (բրիտ․ անգլ.) — (untranslated), 1849. — ISSN 0083-937X
- ↑ British Screenwriter of the Year Արխիվացված 2007-02-21 Wayback Machine, London Film Critics Circle. Accessed July 29, 2008.
- ↑ 76th Academy Awards Nominees and Winners Արխիվացված Մարտ 27, 2008 Wayback Machine, Academy of Motion Picture Arts and Sciences. Accessed July 29, 2008.
- ↑ Film Nominations 2002, British Academy of Film and Television Arts. Accessed July 29, 2008.
- ↑ Shutter Island, Variety. Accessed July 29, 2008.
- ↑ ‘World War Z’ Slate Wiped Clean
Արտաքին հղումներ
[խմբագրել | խմբագրել կոդը]- Սթիվեն Նայթ Internet Movie Database կայքում
- Սթիվեն Նայթի «Սուր հովարներ»-ը ներշնչվել են Garrison Tailors բրենդի հագուստով
- Լոքի ստեղծումը․ սցենարիստ/ռեժիսոր Սթիվ Նայթի հետ հարցազրույց, Մաս 1 Արխիվացված 2020-03-26 Wayback Machine PostMovie.net
- Լոքի ստեղծումը․ սցենարիստ/ռեժիսոր Սոիվ Նայթի հետ հարցազրույց, Մաս 2 Արխիվացված 2020-03-26 Wayback Machine PostMovie.net
 | Վիքիպահեստն ունի նյութեր, որոնք վերաբերում են «Սթիվեն Նայթ» հոդվածին։ |
| ||||||||||||
