Կինոտավր
| Կինոտավր | |
|---|---|
| Տեսակ | կինոփառատոն |
| Երկիր |  Ռուսաստան |
| Վայր | Սոչի |
| Առաջինը | 1991 |
| kinotavr.ru(ռուս.) | |
 Kinotavr Վիքիպահեստում | |
«Կինոտավր» (ռուս.՝ Кинотавр), բաց ռուսական կինոփառատոն, որն անցկացվում է Սոչիում 1990 թվականից[1]։ Փառատոնի կազմակերպիչներն են եղել Մարկ Ռուդինշտեյնը և Օլեգ Յանկովսկին։
Մինչև 2011 թվականը լիամետրաժ ֆիլմերի մրցույթին կարող էին մասնակցել միայն ռուսական ֆիլմերը։ 2011 թվականից աշխարհագրական սահմանափակումները հանվել են, և մրցույթին կարող է ներկայացվել ռուսերեն ցանկացած ֆիլմ[2]։ Ֆիլմը կարող է նկարահանված լինել նույնիսկ այլ լեզվով, եթե դա արդարացված է սյուժեով, բայց այդ դեպքում Ռուսաստանը պետք է լինի արտադրող երկրներից մեկը։ Այսպես, 2017 թվականին մրցույթին մասնակցել է (և ստացել է մրցանակ լավագույն ռեժիսուրայի համար) Ռևազ Գիգինեիշվիլիի «Պատանդներ» վրաց-ռուս-լեհական համատեղ արտադրության ֆիլմը, որը նկարահանվել է առավելապես վրացերենով։
Պատմություն
[խմբագրել | խմբագրել կոդը]«Առանց բյուջեի կինոյի» առաջին խորհրդային փառատոնն անցկացվել է Մարկ Ռուդինշտեյնի կողմից 1990 թվականի ապրիլին մերձմոսկովյան Պոդոլսկում[3]։ Հաջող մեկնարկից հետո կինոփառատոնը տեղափոխվել է Սոչի առողջարանային քաղաք։ Միջոցառման անցկացման վայրն ավանդաբար Սոչիի կենտրոնական շրջանում գտնվող «Ձմեռային թատրոնն» է։
2005 թվականի Ռուդինշտեյնը հեռացել է փառատոնի կազմակերպման աշխատանքներից։ Կինոփառատոնի նոր նախագահ է դարձել պրոդյուսեր Ալեքսանդր Ռոդնյանսկին։
«Կինոտավր» 25-րդ հոբելյանական փառատոնի նախաշեմին մի շարք դերասաններ, ռեժիսորներ ու պրոդյուսերներ տեսաուղերձ են ձայնագրել, որտեղ շնորհավորել են մրցույթի հոբելյանի առթիվ[4]։ «Ռուսական կինոյի հավերժական խնդիրների մասին» տեսաուղերձի ձայնագրությանը մասնակցել են Անատոլի Բելին, Օլգա Սուտուլովան, Վիկտորյա Տոլստոգանովան, Եկատերինա Վուլիչենկոն, Անդրեյ Մերզլիկինը, Ռավշանա Կուրկովան, Պավել Դերևյանկոն և Յուրի Կոլոկոլնիկովը[5]։
Անվանակարգեր
[խմբագրել | խմբագրել կոդը]
- Գլխավոր մրցանակ
- Մրցանակ լավագույն ռեժիսուրայի համար
- Մրցանակ կնոջ լավագույն դերակատարման համար
- Օ. Յանկովսկու անվան մրցանակ տղամարդու լավագույն դերակատարման համար
- Մրցանակ լավագույն օպերատորական աշխատանքի համար
- Գ. Գորինի անվան մրցանակ լավագույն սցենարի համար
- Մ. Թարիվերդիևի անցան մրցանակ ֆիլմի լավագույն երաժշտության համար
- «Կինոտավր։ Նորամուտ»
- «Կինոտավր։ Կարճ մետր»
Ծանոթագրություններ
[խմբագրել | խմբագրել կոդը]- ↑ «История фестиваля». Արխիվացված է օրիգինալից 2008 թ․ հոկտեմբերի 12-ին. Վերցված է 2021 թ․ հուլիսի 10-ին.
- ↑ ««Кинотавр» изменил правила приема фильмов». Արխիվացված է օրիգինալից 2013 թ․ մայիսի 15-ին. Վերցված է 2011 թ․ ապրիլի 27-ին.
- ↑ «Первый «Кинотавр»». Արխիվացված է օրիգինալից 2021-07-12-ին. Վերցված է 2021-07-10-ին.
- ↑ «Кинематографисты поздравили «Кинотавр» с юбилеем видеороликом». Газета.ru. Վերցված է 27.5.14-ին.
- ↑ Кинотавр — настоящее российского кино!
Արտաքին հղումներ
[խմբագրել | խմբագրել կոդը]- Կինոտավրի պաշտոնական կայքը Արխիվացված 2019-04-05 Wayback Machine
- Кинотавр(անգլ.) Internet Movie Database կայքում
- Կինոտավր Թվիթթերում
- Տեսանյութը ՅուԹյուբում
- Կինոտավր Ֆեյսբուքում
 | Վիքիպահեստն ունի նյութեր, որոնք վերաբերում են «Կինոտավր» հոդվածին։ |
| ||||||||||
