Claudio
| Claudio | |
|---|---|
 | |
| Sexo | mascule |
| Nascentia | 10-08-01 BC (Lugdunum) |
| Decesso | 54-10-13 (Roma) |
| Causa de decesso | poisoning[*] |
| Loco de reposo | Mausoleum of Augustus[*] |
| Citatania | Roma antique |
| Occupation | politico[*], historico[*], augur[*], scriptor |
| Obras notabile | De vita sua[*] |
| Religion | Religion in Roma antique, Stoicismo |
| Conjuge | Plautia Urgulanilla[*], Aelia Paetina[*], Messalina[*], Agrippina the Younger[*] |
| Infantes | Tiberius Claudius Drusus[*], Claudia Julia[*], Claudia Antonia[*], Claudia Octavia[*], Britannicus[*], Neron |
| Parentes | matre Antonia Minor[*] patre Nero Claudius Drusus[*] |
| Fratres/sorores | Livilla[*], Germanico |
| Lingua | latino, lingua grec ancian |
| Identificatores | |
| ISNI | 0000000107923260 |
| VIAF | 87172361, 603144647700707715569, 315536855, 578159474209927661728 |
| Commons | Claudius |
| Claudio | |
|---|---|
| Nomine regnal | |
| TIB. CLAVDIVS CAESAR AVGVSTVS GERMANICVS | |
| Principato | 24 de januario 41 – 13 de octobre 54 |
| Predecessor | Gaio (Caligula) |
| Successor | Neron |
| Sposa | 1) Plautia Urgulanilla, c. 9–24 2) Elia Petina, c. 28–31 3) Messalina, 37–48 4) Agrippina minor, 49–54 |
| Prole | Claudio Druso Antonia Octavia Britannico Neron (adoptive) |
| Nomine original | |
| TIB. CLAVDIVS DRVSVS | |
| Dynastia | julio-claudian |
| Patre | Druso |
| Matre | Antonia minor |
| Nate | 1 de augusto 10 aEC Lyon, Gallia |
| Morte | 13 de octobre 54 EC (al etate de 63 annos) Roma |
| Occupation | historico |
| Religion | pagan |
| Nomine divin | |
| DIVVS CLAVDIVS | |
| |
Claudio (Lyon, 1 de augusto, 10 aEC - Roma, 13 de octobre 54) era le quarte imperator roman. Ille originava del familia julio-claudian ma nasceva in Gallia, a Lugduno (le Lyon moderne), al mesme die que le dedication del sanctuario federal a Roma e Augusto in iste urbe. Claudio esseva un granfilio de Livia e un nepto de Tiberio. Su fratre Germanico esseva le patre del imperator Gaio (Caligula).
Malgrado de su filiation con tote le familia julio-claudian, Claudio esseva excluse del vita public durante le major parte de su vita. Il claudicava e balbutiava, forsan a causa de paralyse cerebral o un affliction similabile. Pro isto su familia credeva que ille esseva un ‘idiota’ e ni Cesare Augusto ni Tiberio le fideva poter o officios. Iste affliction esseva probabilemente le ration pro que ille surviveva a Livia e Tiberio: a contrario de Marcello, Lucio e Gaio Cesare, Postumo Agrippa, Germanico e su filios Druso Cesare e Neron, Claudio non esseva percepte per Livia o Tiberio como un menacia. Claudio viveva tunc quietemente como un intellectual, scribente historias del Guerras civil roman, del etruscos, de Carthagine, etc. Tito Livio esseva un de su preceptores. Le exclusion politic de Claudio durava usque le anno 37, quando ille deveniva consule suffecte con su nepto, le imperator Gaio. Gaio promoveva su avunculo pro rider se publicamente de ille.
Le assassinos de Gaio advocava le restauration de ‘libertate republican’, ma le Guardas pretorian insisteva plus tosto sur le proclamation de Claudio como prince. Post un periodo de hesitation, le Senato approbava su principato. Ille esseva alora le unic adulto mascule in le familia imperial.
Como prince, Claudio esseva un administrator capabile e un judice energic (ben que su decisiones esseva a vices caprice). Ille interprendeva le conquesta de Britannia e le annexion de plure provincias (Thracia, Norico, Pamphylia, Lycia, Judea e Mauritania). Ille garantiva le derectos del judeos e essayava de permitter gallos qualificate a entrar le Senato. Ille disveloppava infrastructuras public, includente aqueducos, vias e un nove porto a Ostia. Ille reorganisava le bureaucratia executive. Totevia, on continuava de rider se del prince balbutiante. Historicos como Tacito le criticava pro su dependentia sur su libertos e uxores; su relationes con le Senato e nobilitate esseva sovente tense. Il habeva plure conjurationes contra ille.
Claudio deificava su granmatre Livia e dava a su matre Antonia minor le titulo postume de Augusta. Ille ipse adoptava le nomine Cesare, nonobstante que nulle Cesare le habeva adoptate. Un de su reformas fugace esseva le introduction de tres nove litteras al alphabeto latin: 
(antisigma, digamma inverse, e un ypsilon modificate), que representava respectivemente le sonos /ps, w, y/.
Claudio habeva divorciate su prime sposa pro adulterio e su secunde post le cadita de Sejano (de qui ella esseva un parente). Le tertie, Messalina, esseva su sposa al comenciamento de su principato. Secundo historicos antique, le infidel Messalina esseva nymphomane. Post dece annos de matrimonio e le nascentia de duo filios, Octavia e Britannico, Messalina celebrava un hymeneo bigame con su amante Gaio Silio in 48. Claudio considerava isto un ultrage seditiose e executava tote le duo.
Le ultime sposa de Claudio esseva Agrippina minor, le filia de su fratre Germanico. Le nuptias sequeva de pauc le cadita de Messalina, malgrado del disapprobation del classes dirigente (tal maritage esseva incestuose secundo le lege roman). Claudio adoptava le filio de Agrippina, L. Domitio Ahenobarbo, renominate Neron, e Agrippina esseva proclamate Augusta in 50. Neron sposava Octavia in 53 e esseva proclamate le herede de Claudio con Britannico. Relationes con Agrippina deteriorava post isto. Claudio anticipava le majoritate de su filio Britannico e le preparava pro un vita public. Secundo tote nostre fontes historic, ella invenenava le prince le 13 de octobre, 54. Le Senato le deificava tosto.