Linguas de fiction

Linguas de fiction es le subcategoria de linguas construite (conlangs) que ha essite create como parte de un ambiente de fiction (per exemplo, pro uso in un libro, film, serie de television, o videojoco). Tipicamente, illos es le creation de un sol individuo, durante que linguas natural evolve ex un cultura o populo particular, e altere conlangs pote haber participation de un gruppo. Linguas de fiction es etiam distincte de linguas natural in que illos non ha locutores native. Al contrario, le lingua construite nominate Esperanto ha nunc locutores native.

Linguas fiction es designate por esser le linguas de un mundo fiction e con le intention de dar plus profunditate, e un apparentia de plausibilitate, al mundos fiction con le quales illos es associate. Le objectivo del auctore pote esser de facer que su personas communicar in un maniera que es simultaneemente alienigena e distaccate. In lor mundo fiction, iste linguas functiona como linguas natural, adjutante a identificar certe races o populos e distinguer les ab altri.

In tanto que alcun linguas fiction minus elaborate es create como versiones distorte o dialectos de un lingua natural preexistente, multe es conlangs independentemente designate con lor proprio lexicos (alcunes plus robuste que alteres) e regulas grammatic. Alcun de iste ultime es sufficientemente elaborate pro esser apprendite como un lingua parlabile, e multe subculturas existe de personas qui es 'fluente' in un o plus de iste linguas fiction. Sovente, post que le creator de un lingua fiction ha accomplite lor tarea, le fandom de iste mundo de fiction prende le relevo e continua a elaborar le lingua, faciente lo plus simile a un lingua natural e, consequentemente, plus utilisabile.