Odense
| Odense | |||
|
|
|||
|
|||
|
|||
| Nomine native | Odense | ||
|---|---|---|---|
| Classe | citate grande[*] | ||
| Pais | Danmark | ||
| Population | 176 683 | ||
| Situate in | Odense Municipality[*], Q12329869[*], Odense Municipality (1838-1970)[*] | ||
| Altitude | 13 ±1 m  |
||
| Coordinatas | 55°24'N, 10°23'E | ||
| Citates gemine | Katowice, Kaliningrad[*], Brno[*], Funabashi[*], Groningen, Iksan[*], Izmir, Kaunas[*], Kiev, Klaksvík[*], Kópavogsbær[*], Östersund Municipality[*], Schwerin, Shaoxing[*], St Albans[*], Tampere, Trondheim[*], Upernavik[*], Zhejiang, Columbus, Petah Tikva[*], Norrköping Municipality[*] | ||
| Fuso horari | UTC+01:00, UTC+02:00[*] | ||
| Geonames ID | 2615876 | ||
| Sito web: https://www.odense.dk/ | |||
| Wikimedia Commons Category Odense | |||
Odense es le urbe le plus grande sur le insula danese Fionia e le tertie plus grande urbe in Danmark con 170.327 habitantes (2013). Illo es situate centralmente sur Fionia, vicin al Rivo de Odense (Odense Å), circa tres kilometros al sud del Fiord de Odense.
In Odense es situate le secunde plus grande hospital in Danmark, le Hospital Universitari de Odense (Odense Universitetshospital), e illo es le urbe principal del Municipio de Odense. Le aeroporto de Odense es Beldringe, al nord-west del urbe.
Le nomine Odense veni de Odins Vi (le sanctitude de Odin), un referentia al mythologia nordic, ubi Odin esseva le deo supreme. On trova le parola Odense pro le prime vice in 988 como Othensuuigensem.
Circa 1022 Odense deveniva sede episcopal. Rege Knud le Sancte decideva que le paisanos debeva participar in le guerra a Anglaterra, ma un rebellion erumpeva. Le rege cercava protection in le Ecclesia Albani, ma le 10 de julio 1086 ille e su fratre Benedict esseva assassinate in le ecclesia. De isto appareva un culto, e in 1101 Knud esseva sanctificate. Le cathedral de Odense (Sankt Knuds Kirke) contine quatro tumbas de reges: Knud le Sancte, Erik Lam, rege Hans e rege Christian II.
Odense esseva capturate per truppas svedese le 31 de julio 1658 durante le guerra dano-svedese (1658-1660).
Le Turre de Odin (Odinstårnet) esseva erigite in 1935 e esseva con su 175 metros le secunde plus alte turre in Europa post le Turre Eiffel. Un gruppo de sabotage amical al germanos lo demoliva le 14 de decembre 1944, e illo non esseva reedificate.
Le poeta Hans Christian Andersen nasceva e viveva in Odense, e ci on trova ancora su casa (H.C. Andersens Hus).
Ligamines
[modificar | modificar fonte]VisitOdense (in danese, anglese, germano)