Børsen
Børsen (la Daniana por 'borso') o Børsbygningen ("la bors-edifico") esas 17ma borso en la centro di København, apud Christiansborg (parlament-edfico) sur l'insulo Slotsholmen. Ol konstruktesis en la komenco di la yari 1620, komisita da rejo Kristian IV di Dania. La spiraloida turmo nomesas Dragespiret (drakoturmo), reprezentante interplektita drakokaudi. Børsen mezuras cirkume 128 x 21 metri. La 17ma yarcental edifico esas un de la maxim ancien ed ikonal edifici en la chefurbo di Dania.
L'edifico ne plu funcionas kom borso ma esas la chefa kontoro di la Chambro di Komerco.
La 16ma di aprilo 2024 granda fairo incendiis Børsen. Parto di la kupra tekto e la spiraloida turmo krulis. Soldati di la Dana Guardo di Vivo sucesis salvar centi de historial artaji, pikturi ed altra verki. Ye la vespero la fairo esis en kontrolo di la pumpisti. Cirkume duimo dil edifico destruktesis komplete.