Fruktivorismo

Fruktivorismo esas sub-grupo di la dieto veganismo, qua konsistas de dieto tote o chefe de frukti, e posible nuci e semi, ma sen bestiala produkturi. Fruktivorala dieto atraktas kritiki pri sanesala problemi por ti qui sequas tala vivo-maniero. Fruktivorismo povas esar adoptita pro diversa motivi, inkluzite etikala, religiala, kultural, ekonomial e sanesala. Existas plura variaji di la dieto. Kelka homi kun dieto konsistanta de 75% o plusa frukti konsideras su nur fruktivori. Fruktivorismo esas mem plu limitizita kom veganismo o kruda veganismo. Mantenar ca dieto dum longa periodo povas efektigar manki, risko, ke multa fruktivori probas des-helpar per probo e vitamin-injekti. La Sanesala Programo dil Universitato di Kolumbia raportas, ke fruktivorala dieto povas efektigar manki de kalcio, proteini, fero, zinko, vitamino D, maxim multa B-vitamini (specale B12) e certen acida grasi.

Quankam frukti provizas fonto de karbon-hidrati, oli havas tre poka proteino, e pro ke proteini ne povas esar konservit en la korpo quale grasi e karbon-hidrati povas, fruktivori bezonas certigar ke li konsumas sat multa proteini diale. Kande la korpo ne prenas suficanta proteino, ol mankas amin-acidi, qui esas esencala por krear korpala proteini qui suportas la kresko e konservo di tisui. Konsumar alta niveli de frukto anke efektigas la risko por ti qui esas diabetika o prediabetika, pro la negativ efiko, ke la granda quanteso de sukro en frukti havas sur la glikoso-nivelo di sango. Ta alta niveli de glikoso signifikas, ke la fruktivori havas alta risko ye la denti. Altra destranquilajo, quan prizentas fruktivorismo, esas ke, pro ke frukti facile digestesas, la korpo kombustas rapide la nutrivi ed itere hungras balde pos manjir. Lateral efiko di digestebleso esas, ke la korpo fekifos plu ofte. Pluse, la Programo di Sanesala Protekto ye Kolumbia raportas, ke nutrivala limiti generale povas konduktar a hungro, a kaprici, manj-obsedaji, sociala perturbi e social izoleso. La severa dietala restrikti inherant a fruktivorala rejimo anke adportas grava risko efektigar ortorexiala* nevroso.