Luna 16

Luna 16 esis kosmosondilo di Soviet-Uniono qua retrovoyajis de la luno kun specimeno di lunala sulo.

Ca projeto di Sovietia esis la unesma sucesoza esforco, pos kin nesucesoza esforci, automate querar sulo-specimeno de la luno. Luna 16 lansesis de Tero ye 12 di septembro 1970 ed atingis orbito cirkum la luno ye 17 di septembro. Sis minuti pos ke ol komencis decenso ye 20 di septembro, ol atingis la surfaco. Borilo penetris til 35 mm sub la surfaco, e specimeno esis prenata e pozata en la kosmonavo. Ye 21 di septembro 1970, la kosmonavo Luna 16 lansis su de la surfaco de la luno, por retrovoyajar a Tero kun specimeno di sulo. La vehilo kun specimeno atingis Tero, ye Kazakstan, per parafalo dum la finala decenso, ye 24 di septembro.