Soyuz 11
Soyuz 11 esis misiono di Sovietia por voyajar a Salyut 1, la unesma spaco-staciono.
La spaco-navo lansesis ye 6 di junio 1971, e la voyajanti Georgi Dobrovolski, Vladislav Volkov e Viktor Pacayev eniris kosmostaciono Salyut 1 ye la 7ma di junio. To esis la unesma vizito a Salyut 1, nam la voyajanti di Soyuz 10 faliis konektar lia navo kun la staciono; to anke esis la lasta vizito.
Li restis ibe dum 22 dii; dum ca periodo li facis experimenti, e facis brodkasti por televiziono.
Trovesis ye 29 di junio ke la tri membri di la misiono, arivinta ye Tero en kapsulo, esas mortinta. Esis konstatata ke la kauzo di la tragedio esis perdo di aero en la kapsulo dum preparado por ri-eniro aden terala atmosfero.