Tropikala klimato

Tropikala klimato la esas klimato tipala de tropikala regioni. Segun klasifikuro kreita da Wladimir Peter Köppen ol esas ne-arida klimato ube la mezavalora yarala temperaturi esas super 18°C, e freque superiras 22°C. La temperaturo en tropikala regioni varias poke dum la yaro.

En ta klimato, la pluvo-quanto ne superiras 2 000 mm omnayare, ed freque existas nur du sezoni: sika ed pluvoza. La relativa humideso dil aero esas alta, maxim-multa-kaze super 80% e freque proxim 100%. En ta atmosfero sudorifo esas nefacila e nerapida.

Existas du tipi di tropikala klimati:

tropikala klimato di musono (Am), komuna en Azia e Sud-Amerika, qua havas influi de musona venti, qui chanjas lua direcioni segun la sezoni. Ol esas, exemple, la klimato di Chittagong, en Bangladesh, o Conakry, en Guinea.
tropikala klimato di savano (Aw): ta klimato havas intense sika sezono, qua povas durar dum 6 monati. Ol esas, exemple, la klimati di Cuiabá, en Mato Grosso, di Brazilia, o di Lagos, en Nigeria.