Unesma krucomilito
| Unesma krucomilito | |||
| |||
| Robertus de Normandia luktas kontre Saraceni. | |||
| Konflikto: | Krucomiliti | ||
| Dato: | de la 15ma di novembro 1096 til la 15ma di julio 1099 | ||
| Loko: | Proxim Oriento | ||
| Rezulto: | Kristana vinko. Imperio Seldjuk dekadis. Kreo di milital ordeni religiala, exemple Kavalieri dil Templo. | ||
| Bizancana imperio Santa Romana imperio Republiko Genova Lotringia Rejio Francia Rejio Anglia Normandia altra dukii e komtii |
↔ | Imperio Seldjuk sultanio Rum kalifio Abbasid Kalifio Fatimid dinastio Danishmend | |
| Alexos la 1ma Komnenos Gottfried von Bouillon Robertus la 2ma di Normandia, ed altri |
↔ | Kilij Arslan la 1ma, sultano de Rum Yaghi-Siyan Al-Afdal Shahanshah, ed altri | |
| 30 mil infantriani 5000 kavalieri Bizancani: 2 mil infantriani |
↔ | nekonocata | |
| moderema a granda | ↔ | granda (exakta nombro nekonocata) | |
L'unesma krucomilito esis l'unesma ek 9 historiala epizodii militala kampanii, armizita pilgrimeri e kreo di kristana reji, kun skopo rekuperar kontrolo pri teritorii perdita pos Mohamedana expanso. Ol eventis dum Mezepoko, inter la 11ma e la 13ma yarcenti. Ca epizodii nominesis krucomiliti.
L'unesma militala kampanio stimulesis dal papo Alexander la 2ma, ed eventis en 1063. To konsideresas da kelka historiisti kom l'unesma krucomilito od, adminime, la maxim evidenta antecedento di la krucomiliti propre.
Pos ke Bizancana imperiestro Alexos la 1ma Komnenos demandis helpo por konfrontar Turki Seldjuk, en 1095 lora papo Urbanus la 2ma kunvokis kristani en diversa Europana landi por konquestar tale nomizita "Santa Lando". Pos la falio dil atako komandita da Petrus l'Ermito, mobilizesis organizita armeo, inspirita da idealo pri "sakra milito", qua komandesis da nobeli veninta precipue de Francia e de Santa Romana imperio. Ca armeo augmentesis kun kavalieri, soldati e grandanombra ordinara individui, til divenar fenomeno di masiva migrado. Urbanus la 2ma kunvokis la krucomilito dum la koncilo di Clermont, eventita en la nuna urbo Clermont-Ferrand, Arvernia-Rodano-Alpi. Ilu promisis remiso di tota peki a quin partoprenus la milito.
Krucomiliteri eniris tale nomizita "sultanio Rum" en la nuna Turkia, pose avancis adsude e kaptis diversa urbi, e repulsis trupi sendita kontre li da lokala guvernisti, lor separita per lokala rivalesi, til enirar teritorii di la dinastio Fatimid. Ye la 15ma di julio 1099, li konquestis urbo Ierusalem, e kreis tale nomizita rejio Ierusalem.
L'unesma krucomilito kreis tale nomizita "Latina Stati dil Oriento", e rekuperis kelka teritorii por Bizancana imperio. Ol anke signifikis l'expanso di la povo dil Ocidento, e l'uzo di religiala fervoro por milito. Ol anke augmentis la prestijo dil papo e stimulis internaciona komerco ed kultural interkambii, qui interuptesis pos la falio dil Westala Romana imperio, e rivivigis l'ekonomio e la kulturo di Mezepoko.