14. febrúar

14. febrúar er 45. dagur ársins samkvæmt gregoríska tímatalinu. 320 dagar (321 á hlaupári) eru eftir af árinu. Víðsvegar um hinn vestræna heim er haldið uppá Valentínusardag þann 14 Febrúar, en hann er vestræn útgáfa af hinni rómversku hátíð Lupercaliu.

Helstu atburðir

• 1130 - Innósentíus 2. varð páfi.
• 1130 - Anakletus 2. (Pietro Petri Leonis) varð mótpáfi.
• 1349 - Um tvö þúsund gyðingar voru brenndir á báli í Strassborg. Alls er talið að sextán þúsund gyðingar hafi verið drepnir í borginni þetta ár.
• 1613 - Elísabet Stúart, dóttir Jakobs 1. giftist Friðriki 5., kjörfursta í Pfalz.
• 1743 - Henry Pelham varð forsætisráðherra Bretlands.
• 1779 - James Cook drepinn af frumbyggjum á Sandvíkureyjum.
• 1859 - Óregon varð 33. fylki Bandaríkjanna.
• 1876 - Alexander Graham Bell sótti um einkaleyfi á símann, það gerði Elisha Gray líka.
• 1912 - Arisóna varð 48. fylki Bandaríkjanna.
• 1942 - Bandalag starfsmanna ríkis og bæja (BSRB) var stofnað á Íslandi.
• 1945 - Chile, Ekvador, Paragvæ og Perú gengu í Sameinuðu þjóðirnar.
• 1945 - Sýning var opnuð á málverkum Jóhannesar Kjarvals í Listamannaskálanum í Reykjavík.
• 1946 - Tölvan ENIAC ("Electronic Numerical Integrator and Computer"), var gangsett við Pennsylvaniu-háskóla.
• 1952 - Vetrarólympíuleikarnir 1952 hófust í Ósló í Noregi.
• 1961 - Frumefni 103, lárensín, var í fyrsta sinn framleitt við Kaliforníuháskóla í Berkeley.
• 1962 - Jacqueline Kennedy forsetafrú sýndi sjónvarpsáhorfendum Hvíta húsið.
• 1980 - Vetrarólympíuleikarnir 1980 hófust í Lake Placid í New York-fylki í Bandaríkjunum.
• 1981 - Eldsvoði á diskótekinu Stardust í Dublin varð til þess að 48 létust.
• 1987 - Íslenska kvikmyndin Skytturnar var frumsýnd.
• 1989 - Ruholla Khomeini, leiðtogi Írans, hvatti múslima til að drepa Salman Rushdie fyrir skrif hans í bókinni Söngvar Satans.
• 1989 - Hið fyrsta af 24 gervitunglum í GPS-kerfinu var sett á braut um Jörðu.
• 1990 - Geimfarið Voyager 1 sendi ljósmynd af jörðu, Föli blái punkturinn, aftur til jarðar, yfir 5,6 milljarða kílómetra leið.
• 1992 - Úkraína og fjögur önnur fyrrum Sovétlýðveldi höfnuðu tillögu Rússa um að reka sameiginlegan her.
• 1992 - Samningurinn um evrópska efnahagssvæðið var undirritaður af fulltrúum Evrópusambandsins og EFTA.
• 1996 - Til átaka kom þegar stjórn Filippseyja reyndi að senda hundruð bátafólks frá Víetnam aftur heim.
• 1997 - Sænska bruggverksmiðjan Pripps komst í eigu norsku iðnsamsteypunnar Orkla.

• 2005 - Rafik Hariri, fyrrum forsætisráðherra Líbanon, var myrtur.
• 2005 - YouTube, vefur þar sem notendur geta deilt myndskeiðum, fór í loftið.
• 2013 - Suðurafríska fyrirsætan Reeva Steenkamp var skotin til bana af kærasta sínum, ólympíumeistaranum Oscar Pistorius.
• 2015 - Skotárásin í Kaupmannahöfn: Maður hóf skothríð í menningarhúsi í Kaupmannahöfn þar sem Lars Vilks átti að tala.
• 2018 - Jacob Zuma sagði af sér embætti forseta Suður-Afríku eftir 9 ár í embætti.
• 2018 - Byssumaður hóf skothríð í Marjory Stoneman Douglas High School í Flórída. Hann myrti 17 og særði 17.

Fædd

• 1368 - Sigmundur, keisari hins Heilaga rómverska keisaradæmis (d. 1437).
• 1483 - Babúr, stofnandi Mógúlveldisins (d. 1530).
• 1602 - Francesco Cavalli, ítalskt tónskáld (d. 1676).
• 1692 - Pierre-Claude Nivelle de La Chaussée, franskt leikskáld (d. 1754).
• 1780 - Kristján Þorsteinsson, íslenskur prestur (d. 1859).
• 1865 - Brynjólfur H. Bjarnason, íslenskur kaupmaður (d. 1934).
• 1867 - Þórarinn B. Þorláksson, íslenskur myndlistarmaður (d. 1924).
• 1920 - Albert Barillé, franskur teiknimyndahöfundur (d. 2009).
• 1922 - Böðvar Guðlaugsson, íslenskur rithöfundur og skáld (d. 2007).
• 1932 - Haukur Sigurður Tómasson, íslenskur jarðfræðingur (d. 2014).
• 1940 - Jóhanna Kristjónsdóttir, íslenskur rithöfundur, (d. 2017)
• 1942 - Michael Bloomberg, borgarstjóri New York-borgar.
• 1945 - Hans-Adam 2., fursti Liechtensteins.
• 1946 - Bernard Dowiyogo, forseti Nárú (d. 2003).
• 1951 - Kevin Keegan, enskur knattspyrnuleikari og -kappi.
• 1953 - Hans Krankl, austurriskur knattspyrnumaður.
• 1954 - Kristín Ingólfsdóttir, lyfjafræðingur og fv. rektor Háskóla Íslands.
• 1955 - Mitsuhisa Taguchi, japanskur knattspyrnumaður (d. 2019).
• 1967 - Mark Rutte, hollenskur stjórnmálamaður.
• 1970 - Simon Pegg, enskur leikari.
• 1972 - Rob Thomas, bandarískur tónlistarmaður (Matchbox Twenty).
• 1972 - Fernando Picún, úrúgvæskur knattspyrnumaður.
• 1977 - Ingibjörg Ólöf Isaksen, íslensk stjórnmálakona.
• 1979 - Yuichiro Nagai, japanskur knattspyrnumaður.
• 1981 - Haukur S. Magnússon, íslenskur tónlistarmaður.
• 1983 - Bacary Sagna, franskur knattspyrnumaður.
• 1985 - Philippe Senderos, svissneskur knattspyrnumaður.
• 1988 - Ángel Di María, argentínskur knattspyrnumaður.
• 1992 - Christian Eriksen, danskur knattspyrnumaður.

Dáin

• 1117 - Bertrade de Montfort, drottning Frakklands, seinni kona Filippusar 1. (f. um 1170).
• 1318 - Margrét af Frakklandi, Englandsdrottning, seinni kona Játvarðar 1. (f. 1282).
• 1400 (líklega) - Ríkharður 2. Englandskonungur (f. 1367).
• 1779 - James Cook, breskur landkönnuður og kortagerðarmaður (f. 1728).
• 1917 - Rögnvaldur Ólafsson, íslenskur arkitekt (f. 1874).
• 1943 - David Hilbert, þýskur stærðfræðingur (f. 1862).
• 1984 - Agnar Klemens Jónsson, íslenskur lögfræðingur (f. 1909).
• 2003 - Kindin Dolly, fyrsta klónaða spendýrið (f. 1996).
• 2005 - Rafik Hariri, líbanskur stjórnmálamaður (f. 1944).
• 2010 - Dick Francis, breskur rithöfundur (f. 1920).
• 2013 - Ronald Dworkin, bandarískur heimspekingur (f. 1931).
• 2014 - Tom Finney, enskur knattspyrnuleikari (f. 1922).

Hátíðis- og tyllidagar

Valentínusardagurinn