Antonio Abetti
| Antonio Abetti | |
|---|---|
 | |
| Lair | 19 Juni 1846 San Pietro di Gorizia |
| Pati | Fèbruari 20, 1928 (umur 81) |
| Bangsa | Italin |
| Alma mater | University of Padua |
| Karièr ngèlmiah | |
| Babagan | Astronomi |
| Institutions | Osservatorio Astrofisico di Arcetri |
Antonio Abetti inggih punika salah satunggaling astronom saking Italia ingkang miyos wonten ing tanggal 19 Juni 1846 lan séda ing tanggal 10 Pebruari 1928. Antonio Abetti miyos wonten ing San Pietro ing Goriza (Šempeter-Vrtojba), lan piyambakipun fokus kanggé sinau ing babagan matematika lan teknik wonten ing University of Padua.[1] Piyambakipun gadhah satunggal garwa inggih punika Giovanna Colbachini ing taun 1879 lan gadhah kalih putra.[2] Antonio Abetti séda wonten ing Arcetri.
Biografi
[besut | besut sumber]Antonio Abetti inggih punika salah satunggaling insinyur sipil nanging ing taun 1868 pindhah minatipun ingkang langkung remen kaliyan babagan astronomi, sasampunipun satunggal taun sadèrengipun piyambakipun pikantuk gelar sarjana matematika lan teknik saking Univertas Padua. Ing taun 1921, nalika yuswanipun 75 taun, piyambakipun pensiun nanging tetep nglajengaken panalitènipun ing observatorium.
Padamelanipun
[besut | besut sumber]Abetti gadhah padamelan ingkang baku ing babagan astronomi lan ngawontenaken kathah panalitèn ing bab planit-planit ingkang alit, komet, lan lintang-lintang sanèsipun ingkang wonten ing langit. Ing taun 1874, piyambakipun ndhèrèk ing satunggaling èkspèdhisi ingkang dipunpandhegani déning Pietro Tacchini kanggé nliti satunggaling objek transit Venus kanthi ngginakaken spektroskop. Ing wekdal salajengipun piyambakipun lajeng dados direktur wonten ing Osservatorio Astrofisico ing Arcetri lan dados profesor ing University of Florence. Observatrium Arcetri dipundhirikaken déning GB Donati ing taun 1872, lajeng saperanganipun sampun dipuntilar sasampunipun sedanipun Donati. Dados tugas angengipun ingkang sapisan kanggé Abetti inggih punika kanggé ndhirikaken satunggaling teleskop ingkang sampun dipunyasa wonten ing lokakarya ing Padua. Lensa objektif ingkang dipun-ginakaken inggih kanthi diameter doublet 28 cm (11 inci) lan dawanipun focal 533 cm ingkang dipunyasa déning GB Amici ing taun 1839. Kanthi piranti punika, Abetti saged pikantuk asiling paningalan bab posisi planit-planit minor, komet, lan lintang.[3]
Abetti inggih ndhèrèk kathah pakempalan ing antawisipun dados anggota wonten ing organisasi-organisasi kados makaten.
- Anggota saking Accademia dei Lincei.
- Anggota saking Royal Astronomical Society.
- Satunggaling kawah wonten ing bulan dipunparingi nama kawah Abetti sasampunipun Antonio kaliyan Giorgio Abetti sampun dhateng wulan.
- Satunggaling planit minor ugi dipunparingi nama 2646 Abetti inggih dipunparingi nama Abetti sasapunipun Antonio lan putranipun manggihaken planit punika.[4]
Cathetan suku
[besut | besut sumber]- ↑ [1]
- ↑ "Antonio Abetti". Monthly Notices of the Royal Astronomical Society. 89: 325. 1929.
- ↑ "Archive copy". Diarsip saka sing asli ing 2008-09-12. Dibukak ing 2013-02-28.
{{cite web}}: CS1 maint: archived copy as title (link) - ↑ "Abetti, Antonio", Christof A. Plicht, p. 6, in The Biographical Dictionary of Astronomers, eds. Thomas Hockey et al., Springer: New York, 2007, ISBN 978-0-387-31022-0, doi:10.1007/978-0-387-30400-7.