Bioluminesensi
Bioluminesensi ya iku emisi cahya kang diasilake déning makluk amarga anané reaksi kimia tinamtu.[1] Nganti seprene, bioluminesensi wis ditemokakake kanthi alami ing warna-warna makluk kaya ta cendawan, bakteri, lan organisme ing banyunan, nanging ora tinemu anan ing tuwuhan, kéwan vertebrata terestrial, amfibi, lan mamalia. [2] Akeh-akèhé plankton duwé kaprigelan ngasilaké pendaran, mligi plankton kang urip ing banyunan laut kang jeru.[2] Ing mikroba, bioluminesensi kang dihasilkan durung dingerteni manfaate, déné ing kéwan liyané digunakaké minangka sinyal kawin, predasi, lan perlindungan tumrap pemangsa.[2] Akèh bakteri kang bisa ngasilaké bioluminesensi, racaké dingerteni candhaké manawa kabèh bakteri kagolong bakteri gram négatif, motil, duwé morfologi batang, lan asipat aerob atawa anaerob fakultatif.[2] Bakteri-bakteri iku kasebar ing laladan laut, banyu tawar, lan lemah. tuladhané bakteri penghasil bioluminesensi kang wis diteliti ya iku génus Vibrio (V. harveyi, V. fischeri, V. cholera), Photobacterium (P. phosphoreum, P. leiognathi), Xenorhabdus (X. luminescens), Alteromonas (A. haneda), lan Shewanella.[2] saliyané iku, mung sithik cendawan kang dingerteni bisa ngasilaké bioluminesensi, ing antarané ya iku Armillaria mellea, Panellus Stipticus, Omphalotus nidiformis, lan Mycena spp.[2]
Cathetan suku
[besut | besut sumber]- ↑ (Inggris)Vincent Pieribone, David F. Gruber (2006). Aglow in the Dark: The Revolutionary Science of Biofluorescence. Belknap Press. ISBN 978-0-674-01921-8. Hal. 11-21
- ↑ a b c d e (Inggris)Steven H.D. Haddock, Mark A. Moline, James F. Case (Januari 2010). "Bioluminescence in the Sea". Annual Review of Marine Science 2: 443-467. doi:10.1146/annurev-marine-120308-081028.