Fanérozoikum

Fanérozoikum ya iku jaman géologi kanthi watu-watu kang ngandhut jisim lan urip kéwan kang akèh banget.^[1] Jaman iki diwiwiti watara 545 yuta taun kapungkur nalika kéwan kang nduwé thothok atos sepisanan tuwuh lan isih lumaku terus ing wektu iku. Jeneng Fanerozoikum diturunaké saka basa Yunani kang tegesé panguripan kang kétok (panguripan kasat mata), amarga adhédhasar akèhé organisme wiwit bledhosan Kambrium. Jaman Fanerozoikum uga ditandhani karo tuwuhé kéwan-kéwan kang sepisanan tuwuh ana ing cathetan fosil.^[2] Fanerozoikum dipantha dadi telung era, ya iku Paleozoikum, Mesozoikum, lan Kenozoikum.

Jaman sadurungé diwiwiti jaman Fanerozoikum diarani Prekambium. Jaman Prekambium ora suwé iki dipantha manèh dadi eon Hadean, Arkean, lan Proterozoikum. Batesan kang trep antarané Fanerozoikum lan Prekambium rada kurang bisa dipesthèkaké. Ing abad kaping 19, batesané dipatok ing fosil sepisanan, ya iku metazoa. Nanging, ora suwé iki wis kasil tinemu atusan taksa metazoa prekambium lumantar studi sistematik kang diwiwiti taun 1950-an. Akèh ahli géologi lan paleontologi kang ngukuhaké bates antarané prekambium lan fanerozoikum ing sawatara titik, (1) nalika trilobita lan arkaeociata wiwit metu sepisanan, (2) nalika Trichophycus pedum, salah sawijiningg organisme penggali kompleks sepisanan metu. Uga (3) metuné sawijining golongan organisme cilik kang nduwé thothok kang diarani fauna kecil bercangkang. Telung titik bates iki béda yutanan taun antara siji lan sijiné.

Periode wektu Fanerozoikum wis nglebokaké akèh filum kéwan, evolusi filum-filum mau dadi bentuk, metuné tetuwuhan dharat, perkembangan tetuwuhan kompleks, evolusi iwak, metuné kéwan dharat, sarta perkembangan fauna modhèren. Sasuwéné periode iki, lempengan dharatan alon-alon nyawiji dadi sawijining klomok dharatan kang diarani Pangea. Sabanjuré kepisah dadi bentuk-bentuk bawana kaya saiki.

Cathetan suku

↑ Daftar kosakata geografi Archived 2012-10-23 at the Wayback Machine. (diundhuh 6 Maret 2013)
↑ drama Evolusi Tanaman sebagai Pemicu Oksigenasi di Bumi Archived 2011-02-14 at the Wayback Machine.(diundhuh 8 Maret 2013)

Pranala njaba

Skala wektu géologi: eon lan éra
(jroning yuta taun)

[1] Daftar kosakata geografi Archived 2012-10-23 at the Wayback Machine. (diundhuh 6 Maret 2013)

[2] rama Evolusi Tanaman sebagai Pemicu Oksigenasi di Bumi Archived 2011-02-14 at the Wayback Machine.(diundhuh 8 Maret 2013)

[1]

[2]