Radio France
Radio France inggih punika salah satu stasiun radio ing Prancis.[1]
Stasiun
[besut | besut sumber]Radio France gadhah pitung stasiun nasional ingkang ageng inggih punika kados makaten[2]:
- France Inter ingkang nyiaraken program musik, pawartos, lan hiburan
- France Info inggih channel ingkang nyariosaken bab pawartos
- France Culture inggih punika channel ingkang nyiaraken bab budaya
- France Musique inggih punika channel ingkang ngewrat musik klasik lan jazz
- France Bleu inggih punika jaringan stasiun regional
- FIP inggih punnika channel ingkang nyiaraken manéka warna jinis musik: klasik hip hop, jazz, chanson, rock, blues, musik donya, lan sapanunggalanipun.
- Le Mouv inggih punika channel ingkang nyiaraken musik pop
Stasiun internasional Radio France Internationale (RFI) sampun dipunbebasaken saking Radio France wiwit taun 1986. Lan sadaya beyanipun inggih dipunparingaken déning Kamentrian Luar Negeri Prancis.
Sajarah
[besut | besut sumber]- 1897: Sasampunipun wonten èksperimen ingakng dipuntindakaken déning Marconi, Eugène Ducretet miwiti kanggé nyoba-nyoba wonten ing giyaran radio saking menara ing tingkat nalika Menara Eiffel[3]
- 1921: Prakiran cuaca lan regi pasar saham ingkang dipunwaosaken saking satunggaling studio ing Menara Eiffel
- 6 Novèmber 1922 (wolung dinten sadèrengipun BBC: Radiola, pemancar radio pribadi Prancis ingkang sapisan lajeng miwiti giyaran reguler lan ngewah-ewahi namanipun dados radio Paris ing taun 1924, lan dipunlajengaken déning Radio Toulouse lan Radio Lyon lan ing taun 1932/ 1933 déning /radio [[Luxembourg. Sadèrèngipun Perang Dunia II, 14 radio komersial lan 12 radio umum ingkang saged dipunoperasikaken ing Prancis.
- 1940-1944: Ing zona penjajahan Jerman lan ing sak ngandhapipun rezim Vichy ing kidul, lajeng radionipun dipunpendhet déning nagara.
- 1942-1943: kanthi wontenipun serat kekancingn Vichy, Radio Monte Carlo lan perusahaan holding kauanganipun, lajeng SOFIRAD dipundamel.
- 1944: Nalika Prancis dipunbebasaken, monopoli penyiaran nagara dipuncabut kanthi alesan praktik lan ideologi. Siaran radio umum dipunjamin déning RDF, lajeng dipunsebat RTF, lajeng dados ORTF ing taun 1964.
- 1955: Stasiun komersial Éropah No 1 wiwit sapisan ngudhara saking nagara-nagara tepalihipun ing regiun Sarre wonten ing Jerman, ingkang sampun bébas saking jajahan Prancis ing taun punika.
- 1965: Ing sak ngandhapipun manajemen Rolan Dhordain, sekawan stasiun radio Prancis dipunbentuk malih dados France I lan II lajeng gabung dados "RTF Inter", lajeng gantos nama dados "France Inter", France III dados "RTF Promotion", lan lajeng dados "France Culture"; France IV dados "RTF Haute d'Fidelite", lan lajeng dados "France Musique".