Ricardo Lagos

Ricardo Froilán Lagos Escobar
Présidhèn Chili ke-33
Linggih 11 Maret 2000 – 11 Maret 2006
Wakil Présidhèn	José Miguel Insulza Francisco Vidal Salinas
Kang sadurungé	Eduardo Frei Ruiz-Tagle
Kang sawisé	Michelle Bachelet
Mantri Pendidikan
Linggih 11 Maret 1990 – 28 September1992
Rerincèn dhiri
Lair	(1938-03-02) Maret 2, 1938 Santiago, Chili
Parté pulitik	Sosialis dan Parté untuk Dhémokrasi
Sisihan	Luisa Durán de la Fuente
Agama	Tidak ada (agnostik)

Ricardo Froilán Lagos Escobar (miyos tanggal 2 Maret 1938) inggih punika satunggaling pengacara, konom, lan politisi Sosialis, ing pundi piyambakipun naté njabat minangka Présidhèn Chili taun 2000-2006. Piyambakipun menangaken Pemilu Présidhèn Chili 1999-2000 tahap angka kalih (runoff) ingkang kebak gejolak saking kandidat UDI: Independent Democrat Union, Joaquín Lavín. Piyambakipun minangka présidhèn kaping 3 saking aliran kiwa-tengah Koalisi Parté kanggé Dhémokrasi wiwit Chili pikantuk kamardikan taun 1990. Piyambakipun masrahaken kalungguhan kepresidenannipun tanggal 11 Maret 2006 kanthi pengganti ingkang Sosialis ugi pimpinan Michelle Bachelet, saking sawijining koalisi ingkang sami kaliyan piyambakipun.

Taun – taun Pagesangan

Lagos miyos wonten ing Santiago, Chili. Lagos minangka putra tunggal saking Froilán Lagos Sepúlveda lan Emma Escobar Morales. Bapakipun ingkang minangka wong tani tilar donya nalika piyambakipun saweg ngancik umur 8 taun. Den ingkang ibu, séda nalika April 2005 wonten ing yuswa 108 taun. Piyambakipun sinau wonten ing Liceo Manuel de Salas lan Instituto Nacional kanggé sekolah tingginipun ingkang prestisius.

Cosas On Line nyebutaken bilih piyambakipun tuwuh ageng ing sadengahing wanodya. Ibunipun minangka tiyang ingkang gadhah prabawa ingkang ageng wonten ing pagesanganipun, kulawarga ibunipun ingkang maringi prabawa pulitik ingkang kapisanan. Piyambakipun sinau wonten ing sekolah pamaréntah ingkang nama Liceo Manuel de Salas lan Instituto Nacional. Piyambakipun nglampahaken langkah pulitikipun ingkang kapisanan nalika studi wonten ing Fakultas Hukum Universitas Chile taun 1954.

Periode 1954-1959, piyambakipun minangka ketua wonten ing babagan pulitik lan naté maringi pidato ing sangajenging Présidhèn Guatemala Juan José Arévalo. Sasampuning studi wonten ing Fakultas Hukum Universidad de Chile, Lagos mendhet gelar dhoktor ing babagan ékonomi wonten ing Universitas Duke ing North Carolina (Amérikah Sarékat) wonten ing periode 1960-1962. Disertasinipun kgaungan judhul La Concentración del Poder Económico (Konsentrasi Kekiyatan Ékonomi) ingkang ngutuk monopoli lan oligopoli pikantuk pepujan.

Taun 1961, piyambakipun palakrama kaliyan Carmen Weber lan pisahan 6 taun candhakipun. Taun 1971, piyambakipun palakrama kaliyan Luisa Duran. Periode 1963-1972, piyambakipun dados Direktur Lembaga Ékonomi lan Fakultas Ilmu Pulitik lan Administrasi wonten ing Universitas Chile. Antawising taun 1974-1978, piyambakipun makarya wonten ing PBB lan ILO. Kondur dhateng Chile taun 1986, piyambakipun nyambut damel wonten ing Universitas Chili saperlu mucal pulitik lan administrasi nagara, kejawi nyepeng kalungguhan-kalungguhan sanèsipun. Wonten ing taun punika ugi, piyambakipun dados ketua babagan koalisi anti-Pinochet.

Kang sadurungé Eduardo Frei Ruiz-Tagle

Présidhèn Chili 2000–2006

Kang sawisé Michelle Bachelet

Cathetan suku

• Democracy and Development Foundation (dalam Basa Spanyol)
• BBC ProBerkas: Ricardo Lagos (Januari 2000)
• Lagos's undergraduate thesis: "The Concentration of Economic Power" Archived 2005-05-23 at the Wayback Machine. (dalam Basa Spanyol)
• The Lagos Legacy and Chile's Upcoming Elections Archived 2008-03-05 at the Wayback Machine. The Council on Hemispheric Affairs
• [1]