Artikel kang duwé sesirah ladénan sepur, jadwal lumakuné bisa owah sakwekrtu-wektu. Informasi babagan jadwal lumakuné sepur bisa owah sakwektu-wektu. Wikipedia ora tanggung jawab bener orané data kang ana ing jadwal lumakuné sepur. Mangga bisa sesambungan marang operator sepur kang gegayutan supaya pikolèh informasi kang luwih pepak.
Sepur Papan Anggegana Internasional Yogyakarta
Sepur Papan Anggegana Internasional Yogyakarta (tengen) lan Sepur Prameks (kiwa) mandheg ing Setasiyun Yogyakarta
Sepur Papan Anggegana Internasional Yogyakarta ya iku sepur kang duwé ancas kanggo gayutaké Setasiyun Yogyakarta - Setasiyun Waja (Purwareja) mangkat-mulih, mliginé nyengkuyung anané angkutan menyang Papan Anggegana Internasional Yogyakarta. Sepur iki salah siji angkutan kanggo lunga menyang Papan Anggegana Internasional Yogyakarta saka punjeré kutha Yogyakarta kang adohé 42 km.[1][2] Sepur iku dilakokké pisanan nalika motor mabur Citilink dimaburké pisanan ing Papan Anggegana Internasional Yoyakarta, pernahé ing tanggal 6 Mèi 2019. Ing pisanané lumaku, sepur iki ngaldhi saka Setasiyun Maguwa - Waja kanthi mangkat mulih. Sepur iki mandheg ing sawenèh setasiyun kaya ta Setasiyun Maguwa, Setasiyun Yogyakarta, Setasiyun Wates, lan Setasiyun Waja. Sepur iki lumaku adohé 49,1 km kanthi suwéné udakara 47-51 menit. Sakwisé tekan ing Setasiyun Waja, para penumpang bisa nerusaké menyang Papan Anggegana kanthi numpak Bus Damri.[3] Sepur iki dumadi saka 4 gerbong kang duwéni fasilitas kaya ta paturasan, lungguhan, ruwang AC, lan télévisi. Menawa manggkat utawa mudhun ing setasiyun nganggo péron saklumrahé. Kapasitas lungguhan panumpang ya iku 196 kursi, lan kapasitas kanggo panumpang kang ngadeg ya iku 50% saka kapasitas nalika kebak amarga sisa kapasitas iku kanggo wadhah koper lan tas.[4]
Sepur papan anggegana iki ora langsung mudhun ing papan anggegana, nanging mudhun ing Setasiyun Waja. Adohé antara Setasiyun Waja lan papan anggegana ya iku 6 km. Penumpang bisa nggunakaké sarana Bus Damri. Béya kanggo numpak bus iki udakara Rp 20.000,00. Sakliyané numpak Bus Damri, para panumpang bisa numpak taksi utawa taksi daring.[5][6]Direktur Angkutan dan Lalu Lintas Dirjen Perkerataapian Kementerian Perhubungan, Danto Ristiawan medharaké ana dalan rél anyar kang dibangun kanggo langsung menyang papan anggegana kang dawané 5,7 km kang saka Setasiyun Waja. Rél iku dumadi saka 5 km rél layang lan sisané napak ing lemah. Proyèk iki diayahi nalika 2019 nganti 2020, lan rencana operasiné ng taun 2021.[7][8]
Béya numpak sepur iki ya iku Rp 30.000,00 saka Setasiyun Yogyakarta menyang Setasiyun Waja, lan sewaliké. Para panumpang uga bisa mangkat saka Setasiyun Maguwa kanthi rega kang padha.[9] Sakliyané iku béya tikèt sepur saka Setasiyun Wates menyang Setasiyun Waja lan sewaliké ya iu Rp 15.000,00.[10]
