Unggah-ungguh basa

Unggah-ungguh basa inggih punika ngelmu ingkang nyinau prakawis patrapipun tiyang sami rerembagan. Tiyang jawi migunaaken unggah-ungguh basa kanggé dhasar anggenipun sami sesrawungan kaliyan tiyang sanès. Amargi tiyang jawi menika tiyang ingkang tansah gadhahi tata krama. Anggenipun migunaaken basa jawi wonten undha usukipun miturut patrapipun. Migunaaken basa jawi krama inggil menika salah satunggaling unggah-unggah basanipun tiyang jawi. Basa krama inggil dipunginaaken nalika sesrawungan kaliyan tiyang ingkang langkung sepuh lan nalika wonten ing adicara adat jawa. Griya inggih punika papan ingkang wigati sanget kangge ngecakaken basa amargi ing griya wonten tiyang ing kulawarga menika ingkang sami rerembagan saben dintenipun. Kulawarga punika sarana kanggé putra-putrinipun sami sinau babagan unggah-ungguh.