Strachan Open

Strachan Open ან Strachan Challenge — სნუკერის პროფესიონალური ტურნირი.

იწყებოდა 1992 წელს, როგორც რეიტინგული ტურნირი სახელწოდებით Strachan Open, ამავე სახელწოდების კომპანიის სპონსორირებით. პირველი გათამაშება გაიმართა Thornbury Leisure Centre-ში, ბრისტოლის მახლობლად. ჯეიმზ უოტანამ ფინალში იმ დროისთვის მოქმედი მსოფლიო ჩემპიონი, ჯონ პეროტი დაამარცხა ანგარიშით 9:5 და მოიპოვა თავისი პირველი რეიტინგული ტიტული. პრიზად მას ერგო GB£ 12 500. სადებიუტო გათამაშებაში მონაწილეობა არ მიიღო ბევრმა წამყვანმა პროფესიონალმა, რადგან ტურნირის რეიტინგული ქულები და საპრიზო ფონდი ნაკლები იყო, ვიდრე სხვა ანალოგიურ შეჯიბრებების უმრავლესობაზე.

1993 წელს ტურნირმა შეიცვალა სახელწოდება Strachan Challenge-ზე და გახდა დაბალრეიტინგული (ანუ ქულები ირიცხებოდა 1/10-ის დოზით, რათა როგორმე მაინც წაეხალისებინათ ახალი მოთამაშეები). შეიცვალა ჩატარების ფორმულაც. საბოლოოდ, 1994 წელს Strachan Challenge არარეიტინგული გახდა, რის გამოც საბოლოოდ დაკარგა მოთამაშეების მხრიდან ინტერესი, შესაბამისად, სპონსორებიც.

საკვალიფიკაციო ეტაპზე 1992 წელს პიტერ ებდონმა უეინ მარტინის წინააღმდეგ მატჩში მაქსიმალური ბრეიკი გააკეთა.

გამარჯვებულები

წელი	გამარჯვებული	ფინალისტი	ანგარიში	სეზონი
Strachan Open (რეიტინგული)
1992	ჯეიმზ უოტანა	ჯონ პეროტი	9:5	1991/92
Strachan Challenges (დაბალრეიტინგული)
1992	ჯო სვეილი	სტეფან მაზროცისი	9:4	1992/93
1993	ტროი შოუ	ნაიჯელ ბონდი	9:4	1992/93
1993	ტონი დრაგო	კენ დოერტი	9:7	1992/93
Strachan Challenges (არარეიტინგული)
1994	ენტონი ჰემილტონი	ენდი ჰიქსი	9:4	1993/94
1994	ენტონი ჰემილტონი	პოლ დევისი	9:4	1993/94

რესურსები ინტერნეტში

• კრის ტერნერის არქივი: Strachan Open, Strachan Challenges დაარქივებული 2012-02-16 საიტზე Wayback Machine.