14-oktyabr

Búgin Xalıq aralıq standartlastırıw kúni. Bul kúndi belgilew 1946-jılı 14-oktyabrde Londonda bolıp ótken standartlastırıw boyınsha shólkemlerdiń konferenciyasında qabıl etildi. Sonday-aq Xalıq aralıq Standartlastırıw shólkemide dúzildi.

14-oktyabr Xalıq aralıq qáwipli jer silkiniwleriniń qáwpin azaytıw (kemeytiw) kúni. Esletip ótemiz, bul kúndi belgililew Birlesken Milletler Shólkeminiń qararı menen 1989-jılı járiyalandı.

1860-jılı 14-oktyabr kúni Rossiyanıń  Sankt-Peterburg qalasında Maarin opera teatrı ashıldı.

Al 1926-jılı ataqlı inglis jazıwshısı Alan Milnniń «Vinni-Pux» haqqındaǵı kitabı jarıq kórdi.

1971-jıl 14-oktyabrde dúnyada birinshi ret Mariner-9 kosmoslıq kemesi arqalı túsirilgen Mars planetasınıń súwretleri jerge jetkerildi.

Búgin Rossiyada Qorıqxanalar kúni. Bul kún 1999 –jıldan berli hár jıl sayın tábiyattı qorǵaw hám qorıqxana xızmetkerleri tárepinen bayramlanbaqta.

Sonday-aq búgin Belorussiyada Analar kúni bayramlanbaqta.

Al Kanada elinde búgin Minnetdarshılıq kúni. Bul bayram Kanada xalqınıń milliy bayramı bolıp, bul kúni olar bir birine kewildegi jıllı sózlerin aytıp, minnetdarshılıq bildiredi.

14-oktyabr Amerika Qurama Shtatında «Kolumb kúni». Esletip ótemiz, dúnyaǵa belgili sayaxatshı Xristofor Kolumb 1492-jılı oktyabr ayında Amerika materigin ashqan edi.

Búgin Polshada Milliy bilimlendiriw kúni bayramlanbaqta.

Sonday-aq búgin Ukraynada Qorǵawshılar kúni. Bul kúndi mámleketlik bayram retinde belgilew 2014-jıldan baslap ámelge asırılmaqta.

Al Yaponiyada bolsa búgin Dene tárbiyası hám Dene mádeniyatı kúni.

Usıdan 7 jıl aldın, 2012-jılı 14-oktyabrde Avstraliyalı parashyut-shi Feliks Baumgartner strasferadan yaǵnıy kosmostan shama menen 39 kilometr biyiklikten jerge sekirdi. Tosattan sekiriw barısı tabıslı juwmaqlandı, yaǵnıy jerge aman-esen tústi.