Lingva Franka Nova

Lingva Franka Nova («elefen», lingua franca nova, LFN) bul xalıq aralıq baylanıslar ushın mólsherlengen, qaǵıydaları júdá ápiwayı, izbe-izlikke tiykarlanǵan hám ańsat úyreniw maqsetinde jaratılǵan til. Ol bir qatar unamlı táreplerge iye:

1. Bul tilde fonemalar sanı sheklengen hám ol fonetika jaǵınan italyan yamasa ispan tillerine uqsaydı.
2. Ol fonetikalıq tárepten ańsat dúzilgen. Hesh bir bala kóp jıllar dawamında turaqsız fonetikalıq qaǵıydalardı úyreniwi shárt emes.
3. Bul til pútkilley turaqlı (qaǵıydalardan shetlewlersiz) grammatikaǵa iye bolıp, kreol tillerine uqsap ketedi.
4. Ol sóz jasawshı affikslerdıń sheklengen hám pútkilley turaqlı kompleksine iye bolıp, bul tilde sózler birdey jol menen jasaladı.
5. Sózlerdiń gáptegi tártibi boyınsha kóplegen tiykarǵı tillerge sáykes keletuǵın hám anıq belgilengen qaǵıydalarǵa iye.
6. Bul tildiń sóz baylıǵı zamanagóy roman tilleriniń kópshiligi ushın tiykarǵı túbir wazıypasın atqaradı. Roman tilleri házirgi waqıtta dúnya boylap keń tarqalǵan hám ornı girewli, sonıń menen birge olar ingliz tili sózliginiń tiykarǵı bóleginiń payda bolıwına xızmet etken.
7. Lingva Franka Nova latınsha hám grekshe texnikalıq neologizmlerdi tábiyiy qabıllaw ushın ıqshamlastırılǵan, yaǵnıy de-fakto «jáhán standartı»na juwap beretuǵın til.
8. Ol roman tilleri menen tanıs bolǵanlar ushın salıstırmalı «tábiyiy» kóriniste jaratılǵan bolıp, basqalar ushın da onı úyreniw qıyın bolmaydı.