Хет-трик
Хет-трик (ағыл. hat-trick) — бірқатар спорттық ойындарда қолданылатын "үш" санына байланысты термин. Әсіресе футбол мен хоккейде жиі айтылып жатады.
Түсініктеме
[өңдеу | қайнарын өңдеу]Футбол мен хоккейде бір матчта үш рет қарсыластар қақпасын дәл көздеген cпортшының жетістігі осылай аталады. Кей-кейде футзал, гандбол секілді спорт түрлерінде де қолданылады. Сондай-ақ, бір мезгілде үш бірдей титулды жеңіп алған спорттық ұжымның табысы да осылай сипатталады. Мәселен, 2009 жылы Испанияның "Барселона" клубы бір маусымда үш бірдей жарыста (Испания чемпионаты, Испания кубогы және УЕФА Чемпиондар Лигасы) бас жүлдені алды да, мамандар ол жетістікті "требл" деумен қатар, "хет-трик" деп те атады.
Қызықты деректер
[өңдеу | қайнарын өңдеу]- Бельгиялық "Экерен" клубының ойыншысы Стан Ван ден Бюйс 1996 жылы "Андерхлетпен" болған ойында өз қақпасына үш рет гол соғып алған.
- 1999 жылы парагвайлық атақты қақпашы Хосе Луис Чилаверт үш рет пенальтиден гол соқты. Ол хет-трик жасаған тарихтағы жалғыз қақпашы.
Тағы да терминдер
[өңдеу | қайнарын өңдеу]- Дубль — Екі санына байланысты қолданылады (бір матчта екі гол немесе бір маусымда екі жүлде)
- Покер — Төрт санына байланысты дәл солай қолданылады
- Пентатрик — Бес санына байланысты дәл солай қолданылады