Электрлік қосалқы станция

Электрлік қосалқы станция элементтері: A. Негізгі электр желісі тарабы B. Бөліну электр желісі тарабы 1. Негізгі желі сымдары 2. Жерлендіруші сым 3. Әуе электр желісі 4. Кернеу трансформаторы 5. Айырғыш 6. Ажыратқыш 7. Ток трансформаторы 8. Асқын кернеуді шектеуіш 9. Күштік трансформатор 10. Басқару ғимараты 11. Қоршау 12. Бөліну желі сымдары

Электрлік қосалқы станция — электр энергиясын түрлендіруге және таратуға арналған электрлік қондырғы. Оның ішінде трансформаторлар, тарату құрылғылары бар.

110/35/6 кВ электр қосалқы станциясының ашық тарату құрылғысы

Қызметі

Электр қосалқы станциясы жоғарылатқыш трансформатордан тұрса, ол жоғарылатқыш қосалқы станция, ал төмендеткіш трансформатордан тұрса, ол төмендеткіш қосалқы станция деп аталады.

Құрылымы

Қосалқы станцияның негізгі элементтері:

• Күштік трансформатор, автотрансформатор, тұйықтағыш реактор
• Әуе және кабель желілеріне арналған енгізу құрылғылары
• Ашық және жабық таратқыш құрылғылар, оның ішінде
  • Шиналар секциясы
  • Ажыратқыштар
  • Айырғыштар
  • Өлшеуіш құрылғылар
  • Ток шектегіш реакторлар, конденсаторлық батареялар
• Өзіндік қажеттіліктерге арналған трансформаторлар
• Релелік қорғау және автоматика
• Жерге тұйықтағыш құрылғылары

Қосалқы станциялардың түрлері

Электр қосалқы станцияларының бас сызбалары ауданның электр желілерінің сызбаларына қарап таңдалады. Желіге қосылу бойынша қосалқы станциялар келесі түрлерге бөлінеді:

• Тұйық қосалқы станция — электр энергиясын бір немесе бірнеше параллель желіден алатын қосалқы станция.
• Тармақтаушы қосалқы станция — тармақтардағы бір немесе екі өтпелі желіге қосылған қосалқы станция.
• Өтпелі қосалқы станция — екі жақты қоректендіруші желілерге қосылған қосалқы станция.
• Түйінді қосалқы станция — екіден көп қоректендіруші желілері қосылған қосалқы станция.

Қызметі бойынша тұтынушылық және жүйелік қосалқы станциялар болып бөлінеді.