Ponzius Pilatus
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ponzius Pilatus woch tösche d Joohre 26 un 36 dr vönvde Präfekt va Rom ä Judäa.[1] Hä wood van dr Kaiser Tiberius äjesatze. Ponzius Pilatus hod, wi öt en d Bibel beschrevve steehd, Jesus Christus an öt Krüzz schlaare un ömbrenge losse.
Si Lääve
[Ändere · der Quälltäx ändere]Öt es net övverlävverd wann un wo Pilatus jeboore wood, öt jitt ävver Hänwiise, dat hä us Samnium komme es. Jesechert es ävver, dat Ponzius Pilatus em Joohr 26 va Tiberius dat Amt övverdraare kräje had. Singe Vörjäjer woch Valerius Gratus, dä dat Amt tösche 15 un 26 bekleed hod. Pilatus moss dr Ritterstand ajehood ha, hod alsu ön huch Positiun beij d Römer.
Öt wood övverlaad, övv Pilatus dörch Seianus, önö Huhe onger Tiberius, dä dodörch bökannd woode woch, dat hä mi wi angere jäje d Jüdde äjestalld woch, ernannd woode es. Dat kütt erkläre, wisu Pilatus döck su sträng jäje öt jüddische Volk vörjejange woch. Di Strängde kutt önö Jrond se, dat Pilatus 10 Joohr lang Judäa onger singe Fittische hod.
Em Sommer van öt Joohr 36 woohl Pilatus önö Zoch va Lüüh dova aavhalde, op dr Bärch Garizim z träcke, dä als hellich jold. Dat jäng ävver mä met Jewald, di sing Soldate och äsätzde. Dorophenn mood hä no Rom, öm Pilatus Vorhalde z erkläre. Usserdäm wood häm vörjeworpe, hä hod ä sing eeje Tesch jeweedschafd un Jeld van dr Staat vöör sisch jebrudd. Su soll hä sisch önö Wasseraschloss en öt Huuß ha läje losse. Ävver net mä dat. Ponzius soll Lüüh jeschmiird ha, soll angere beklaud ha, soll Lüüh ömbraad ha, oohne ö Urdeel aavzwaade.[2] Pilatus reisde net mi no Judäa zöröck. Marcellus krääd dä Poste. Dat kann dora jelääje ha, dat beij öt Ätreffe va Pilatus, Tiberius at jestorve woch. Doher weeß kenne, wi dat ä Rom avleev. Dat önö neue Kaiser neu Lüüh en d Provnze scheckde woch jo nüüß Neuts.
Öt kann och och net jesaad wäde, övv Pilatus erjendwann öns ö Wood övver d Krüzzijung va Jesus ä Rom vorloore had.
Ö paar onsesche Quelle saare, dat Pilatus sisch em Joohr 39 ömbraad höd. Övv dat stemmd weeß mo net jenau. Öt kann och mä Vorzäll see.
Es öt sescher, dat öt Ponzius Pilatus joov?
[Ändere · der Quälltäx ändere]Öt jitt völl Quelle, di beläje, dat öt Pilatus jejevve had ävver ösu janz sescher kutt dö Wesseschaff di Vroch ni böantwoode. vöör ö paar Joohr had sisch dat jeändert. Di Vroch kam et „Jo“ beantwood wääde. Em Joohr 1961 wood ö kleng Täfelche vonge, dat dä Tekßt "Pilatus, dr Präfekt va Judäa, bouwde un weijde dat Tiberium d sellije Jötter" hod.
Watt bedüüd dr Naam Ponzius Pilatus?
[Ändere · der Quälltäx ändere]Völl Lüüh denke, dat Ponzius dr Vörnaam va Ponzius Pilatus es. Dat stämmd ävver net. Dä es ja net övverlevverd. Pozius beddüd mä, dat di Persun zo d Famelisch van d Pozier jehüüd. Di Famelisch spelld en d Jeschichte va Rom ön jruuße Roll. Su braad enne us di Famelisch Julius Cäsar öm. Pilatus kütt dojäje van öt Wood Pilum, dat bedüüd, dat di Persun ä Späär dräd. Öt kann ävver och va pilea aavjeleid wääde. Dann bedüüde dat, dat Pontius Pilatus önö Hoddräjer wöch. Ön dreide Möjelichkeed wöch, dat dr Orsprong va Pilatus dat wood pilatus wöch, watt "oohne Hoore" heechd. Pilatus höd dono ön Plääd.
Quelle
[Ändere · der Quälltäx ändere]- ↑ L'Année épigraphique 1963, Nr. 104 (http://www.joerg-sieger.de/einleit/nt/01gesch/nt06.htm#m Jätt övver häm).
- ↑ Philo von Alexandria. On the Embassy to Gaius. XXXVIII, 301-303. In: The Works of Philo, övversatze dörch C. D. Yonge, Övver öt Amt va Gajus.
Jätt z Lääse
[Ändere · der Quälltäx ändere]- Alexander Demandt: Häng ä Onschold: Ponzius Pilatus en d Jeschichde. Böhlau, Köln 1999]], ISBN 3-412-01799-X.
