Berkeliom
 | |
 | |
| Ensampel a |
Elven gymyk, elven synthesek  |
|---|---|
| Furvell gymyk |
Bk |
| Dydhyas diskudhans |
1949 |
| Niver atomek |
97 |
| Elektronegedhegedh |
1.3 |
| Rann a |
period 7, aktinid |
 Restrennow kelmys war Gemmyn Wikimedia | |
Elven gymyk yw berkeliom, niver 97 y'n Vosen Beriodek. An hanow a dheu dhyworth tre Berkeley yn Kaliforni, an Statys Unys, le may feu gwrys rag an kynsa prys. Y furvell gymyk yw Bk.
Ny gevys yw berkeliom war an Norvys marnas yn arbrovjiow hwithrans nuklerek. Pur beryllus yw drefen y radyoweythresek glew. Askorrys veu rag an kynsa tro war an 19ves mis Kevardhu, 1949, yn Pennskol Kaliforni yn Berkeley gans Stanley Thompson, Albert Ghiorso ha Glenn Seaborg. Nyns eus devnydh vyth oll dhodho. Hanter bewnans an isotop moyha kemmyn yw 320 dydh. Y boos atomek yw 247.1 ha'y boynt teudhi yw 1047°C. Ny wodhvedhys pana yw y boynt bryjyon.
Alkan arghansek radyoweythresek yw.
Wosa y dhiskudhyans (hag elvennow erel y'n unn bagas), an lyver termyn The New Yorker a brofyas y talvia dhe Bennskol Kaliforni henwel an elvennow nowydh 'universitiom', 'ofiom', 'kaliforniom' ha 'berkeliom' (Sowsnek: 'universitium', 'ofium', 'californium' ha 'berkelium'). An gorthyp gans Seaborg o aga bos prederi a-dro dhe hemma, mes ny vynsons ri an chons dhe Evrok Nowydh henwel an dhew elven nessa 'newium' ha 'yorkium'. The New Yorker a worthyp bos an henwyn dhedha, ha aga bos owth oberi war an elvennow nowydh.
Mirva
[golegi | pennfenten]-
Alkan berkeliom -
Albert Ghiorso
