Gaius Fabius N.f. Ambustus

Gaius Fabius N.f. Ambustus (quando natus, quando mortuus sit, nescimus) vir publicus Romanus quarti saeculi a.C.n. fuit.

Familia

Pater eius Numerius Fabius M.f. Ambustus, tribunus militum consulari potestate anni 406 a.C.n. erat. Forsitan consul anni 360 a.C.n. Marcus Fabius N.f. Ambustus frater Gai fuit. Filius Marci Quintus Fabius Maximus Rullianus quater consulatum adeptus est.

Cursus honorum

Gnaeus anno 358 a.C.n. ipse consul creatus est, una cum Gaio Plautio P.f. Proculo. Fabius in Tarquinios milites duxit, sed cladem accepit, 307 Romani capti et deis Tarquiniorum sacrificati sunt. Plautius Hernicis bellum intulit. Sed deinde iterum Galli Latium invaserunt, contra hos Gaius Sulpicius M.f. Peticus dictator missus est. Postquam diu cunctatus est et milites acriter pugnam postulaverunt, tandem certatum est et hostes victi sunt. Senatus itaque Sulpicio triumphum decrevit.

Nexus externi

• Biographia brevis in pagina imperiumromanum.org (lingua Theodisca)

Notae

Antecessores: Marcus Popillius M.f. Laenas et Gnaeus Manlius L.f. Capitolinus Imperiosus

Consul 358 a.C.n. cum Gaio Plautio P.f. Proculo

Successores: Gaius Marcius L.f. Rutilus et Gnaeus Manlius L.f. Capitolinus Imperiosus II