Archidioecesis Moscoviensis Matris Dei
Archidioecesis Moscoviensis Matris Dei (Russice Архиепархия Матери Божией) est archidioecesis ecclesiae catholicae Romanae, quae sedem Moscoviae habet.
Historia
[recensere | fontem recensere]
Ante Res novas Octobres catholici Russiae ad Archidioecesim Mohiloviensem pertinebant. Archiepiscopus Mohiloviae titulo metropolita fungebatur et Petropoli sedem habebat. Ioannes Cieplak metropolita Mohilovensis ultimus anno 1923 a bolsevicis captus est et anno 1924 e Russia emissus.
Pius Eugenius Neveu ab anno 1926 administrationem apostolicam Moscuae praeficiebat. Anno 1936 et ille, postquam Francogalliam visitaverat, in Russiam reverti non potuit. Anno 1937 duae tantum ecclesiae catholicae in Russia officium suum gerebant, una Moscuae et altera Petropoli. Ab anno 1950 archiepiscopus Rigensis praelatos his ecclesiis statuebat.
Anno 1991 duae administrationes apostolicae in Russia institutae sunt: administratio Russiae Europaeae Latinorum, Moscuam caput habens, necnon administratio Siberiae Latinorum, caput habens Neosibiriam. Thaddaeus Kondrusiewicz administrator apostolicus Moscuae factus est.
Anno 1999 administratio Russiae Europaeae Latinorum in duas partes divisa est, administrationem Russiae Europaeae Septentrionalem Latinorum cum Moscua metropoli et administrationem Russiae Europaeae Meridionalem Latinorum cum Saratovia metropoli. Administratio Siberiae Latinorum divisa est in administrationem Siberiae Occidentalis Latinorum capite Neosibiria et administrationem Siberiae Orientalis Latinorum capite Ircutia.
Anno 2002 omnes quattuor administiones apostolicae Russiae dioeceses factae sunt: dioecesis Matris Deae Moscuensis, dioecesis Ircutscana sancti Iosephi, dioecesis Saratoviensis sancti Clementis et dioecesis Neosibiriana Transfigurationis, quibus omnibus provincia ecclesiatica Moscoviensis composita est. Thaddaeus Kondrusiewicz Russiae Europaeae septentrionalis administrator apostolicus archiepiscopus et metropolita Moscoviensis factus est.
Ecclesia cathedralis
[recensere | fontem recensere]Ecclesia cathedralis est Moscoviensis ecclesia cathedralis immaculatae conceptionis beatae virginis Mariae.
Episcopi
[recensere | fontem recensere]Thaddaeus Kondrusiewicz ab anno 2002 ad annum 2007 archiepiscopus Moscuensis erat. Paulus Pezzi est archiepiscopus archidioecesis ab anno 2007 et Nicolaus Dubinin episcopus auxiliarius ab anno 2020.
Nexus externi
[recensere | fontem recensere]- "Archidioecesis Moscoviensis Matris Dei" e The Hierarchy of the Catholic Church (situs a Davide M. Cheney elaboratus) (Anglice)
- Constitutio apostolica administrationis Moscoviensis, 1991
- Constitutio apostolica provinciae ecclesiasticae Matris Dei, 2002
- Constitutio apostolica dioecesis Moscoviensis Matris Dei, 2002
- Constitutio apostolica dioecesis Saratoviensis sancti Clementis, 2002
- Constitutio apostolica dioecesis Neosibirianae Transfigurationis, 2002
- Constitutio apostolica dioecesis Ircutscanae sancti Iosephi, 2002