Gaius Nautius Sp.f. Rutilus
Gaius Nautius Sp.f. Rutilus aut Rufus (nescimus, quando natus, quando mortuus sit) senator Romanus saeculi quinti a.C.n. erat.
Familia
[recensere | fontem recensere]Gaius fuit filius cuiusdam Spurii Nautii et frater Spurii Nautii Sp.f. Rutili, qui anno 488 a.C.n. primus e sua gente consulatum adeptus est.
Cursus honorum
[recensere | fontem recensere]Nautius anno 475 primo consul electus est. Cum Publius Valerius P.f. Poplicola collega contra Sabinos exsulesque certaret, qui Romae Capitolium occupaverant, Nautius bellum Volscis intulit[1]. Anno 458 iterum consul creatus contra Sabinos feliciter pugnavit[2]. Cum autem nuntiatum est exercitum collegae Lucii Minucii Esquilini Augurini in monte Algido inclusum esse, ei auxilio properavit, praeterea Lucius Quinctius Cincinnatus dictator nominatus est[3].
Notae
[recensere | fontem recensere]- ↑ Titus Livius, ab urbe condita, II 53,5
- ↑ Titus Livius, ab urbe condita III 26,1-2
- ↑ loc. cit. § 5-6
| Antecessores: Aulus Verginius Tricostus Rutilus et Spurius Servilius Priscus Structus |
Consul 475 a.C.n. cum Publio Valerio P.f. Poplicola |
Successores: Lucius Furius Medullinus et Aulus Manlius Cn.f. Vulso |
| Antecessores: Quintus Fabius M.f. Vibulanus III, Lucius Cornelius Ser.f. Maluginensis Uritus (Cossus) |
Consul 458 a.C.n. cum Lucio Minucio P.f. Esquilino Augurino |
Successores: Gaius Horatius M.f. Pulvillus II, Quintus Minucius P.f. Esquilinus Augurinus |