Ioannes Vladimirus

Ioannes Vladimirus (Serbice Јован Владимир; natus circa annum 990, mortuus die 22 Maii 1016) fuit regnator Ducliae, potentissimi principatûs Serbici huius temporis,^[1] inter annos 1000 et 1016. Hoc tempore longum bellum inter Imperium Romanum Orientale (Byzantinum) et Primum imperium Bulgaricum gestum est. Vladimirus autem, regnator pius, iustus, pacificusque, nunc a Christianis Orthodoxis martyr sanctus agnoscitur; dies festus eius est 22 Maii.

Ioannes Vladimirus, quamquam societate cum Byzantio coniunctus, Ducliam servare non potuit a Samuele, tzare Bulgariae, qui hunc principatum circa annum 1010 vicit et Vladimirum cepit. In chronicis traditur Theodora Cosara, Samuelis filia, Ioannem Vladimirum amavisse et patrem obsecravisse ut ei nubere sibi liceat. Tzar matrimonium sivit et Ducliam reddidit Ioanni Vladimiro, qui cliens eius regnavit. Vladimirus non particeps fuit soceri bellorum, quae anno 1014 Samuelis clade morteque evenerunt. Anno 1016 Vladimirus victima insidiarum Ioannis Ladislai, ultimi regis Primi Imperii Bulgarici, factus est. Ante ecclesiam Prespae, capitis imperii, securi percussus, ibi sepultus est. Mox martyr agnitus est. Vidua eius Cosara eum in ecclesia Prečista Krajinska prope aulam eius in Duclia austro-orientali denuo humavit. Ab anno 1381 reliquiae eius in Ecclesia Sancti Ioannis Vladimiri prope Elbasan et ab anno 1995 in cathedrali Tiranae in Albania conservatae sunt. Haec reliquiae sacrae habentur et multos fideles attrahuntur, praesertim in die festo eius, cum reliquiae rursus ad ecclesiam prope Elbasan celebrationis causa feruntur.

Crux quoque, quam Vladimirus tenebat cum securi percussus sit, reliquiae sacrae ducitur. A familia Andrović vici Velji Mikulići Montis Nigri curatur et fidelibus tantum in festo Pentecostes monstratur, cum in pompa ad summum montem Rumijam geritur. Ioannes Vladimirus primus sanctus Serbicus, atque patronus oppidi Antibarii Montis Nigri habetur. Prima vita eius, hodie deperdita, fortasse inter annos 1075 et 1089 scripta est; versio abbreviata, Latine scripta, in Gestis regum Sclavorum conservatur. Vitae Graeca et Slavica primum annis 1690 et 1802 editae sunt. In iconibus plerumque rex cum corona et vestibus regiis, cum cruce in manu dextra, capite suo in manu sinistro pingitur. Etenim traditur suum caput abscisum ad locum sepulturae tulisse.

Notae

↑ Fine 1991, pp. 193, 202

Bibliographia

Fontes imprimati

Cosmas (1858) [1690], written at Elbasan, nunc in Albania, Ἀκολουθία τοῦ ἀγίου ἐνδόξου βασιλέως καὶ μεγαλομάρτυρος Ἰωάννου τοῦ Βλαδιμήρου καἰ θαυματουργοῦ, Venetiis: Saint George Greek Press
Drakopoulou, Eugenia (2006), Tourta, Anastasia, ed., Icons from the Orthodox Communities of Albania: Collection of the National Museum of Medieval Art, Korcë, Thessalonicae: European Centre for Byzantine and Post-Byzantine Monuments, ISBN 960-89061-1-3
Elsie, Robert (1995), "The Elbasan Gospel Manuscript ("Anonimi i Elbasanit"), 1761, and the Struggle for an Original Albanian Alphabet", Südost-Forschungen (Ratisbonae: Südost-Institut) 54
Farlati, Daniele (1817), Illyricum Sacrum, 7, Venetiis: Apud Sebastianum Coleti
Fine, John Van Antwerp (1991), The Early Medieval Balkans: A Critical Survey from the Sixth to the Late Twelfth Century, Ann Arbor, Michigan: The University of Michigan Press, ISBN 0-472-08149-7
Fine, John Van Antwerp (1994), The Late Medieval Balkans: A Critical Survey from the Late Twelfth Century to the Ottoman Conquest, Ann Arbor, Michigan: The University of Michigan Press, ISBN 0-472-08260-4
Jireček, Konstantin Josef (1911), Geschichte der Serben, 1, Gothae: Friedriech Andreas Perthes A.-G.
Jovićević, Andrija (1922), "Црногорско Приморје и Крајина", Српски етнографски зборник (Belogradi: Serbian Royal Academy) 23
Kačić Miošić, Andrija (1839) [1756], Razgovor ugodni naroda slovinskoga, Ragusii: Petar Fran Martecchini
Milović, Željko; Mustafić, Suljo (2001), Knjiga o Baru, Bar, Montenegro: Informativni centar Bar
Mirković, Lazar; Zdravković, Ivan (1952), Манастир Бођани, Belogradi: Naučna knjiga
Nicodemus the Hagiorite (1868) [1819], written at Mount Athos, Συναξαρίστης τῶν δώδεκα μηνῶν τοῦ ἐνιαυτοῦ, 2, Athenis: The Press of Philadelpheus Nikolaides
Novaković, Stojan (1893), :Први основи словенске књижевности међу балканским Словенима: Легенда о Владимиру и Косари, Belogradi: Serbian Royal Academy
Ostrogorsky, George (1956), History of the Byzantine State, Oxoniae: Basil Blackwell, ISBN 0-8135-0599-2
Ostrogorsky, George (1998), Историја Византије, Belogradi: Narodna knjiga
Stojčević, ed. (1986), Србљак, Belgrade: The Holy Synod of Bishops of the Serbian Orthodox Church
Popruzhenko, Mikhail Georgievich, ed. (1928) [1211], Синодикъ царя Борила, Sophiae: Bulgarian Academy of Sciences
Rousseva, Ralitsa (2005–2006), "Iconographic Characteristics of the Churches in Moschopolis and Vithkuqi (Albania)", Makedonika (Thessalonicae: Society for Macedonian Studies) 35
Rovinski, Pavel Apollonovich (1888), Черногорія въ ея прошломъ и настоящемъ, 1, Petropoli: The Press of the Imperial Academy of Sciences
Scylitzes, Ioannes; Cedrenus, Georgius (1839) [saeculum 11], Bekker, Imannuel, ed., Georgius Cedrenus Ioannis Scylitze Ope, 2, Bonnae: Impensis ed. Weberi
Stephenson, Paul (2005) [2000], Byzantium's Balkan Frontier: A Political Study of the Northern Balkans, 900–1204, Cantabrigiae: Cambridge University Press, ISBN 978-0-511-03402-2
Yanich, Voyeslav; Hankey, Cyril Patrick, eds. (1921), Lives of the Serbian Saints, Translations of Christian Literature, Series VII, Londinii: The Society for Promoting Christian Knowledge; New York: The Macmillan Company
Yastrebov, Ivan Stepanovich (1879), Податци за историју Српске цркве: из путничког записника, Belogradi: The State Press
Živković, Tibor (2002), "Поход бугарског цара Самуила на Далмацију", Istorijski časopis (Belogradi: The Institute of History of the Serbian Academy of Sciences and Arts) 49
Živković, Tibor (2006), Портрети српских владара (IX-XII век), Belogradi: Zavod za udžbenike, ISBN 86-17-13754-1
Živković, Tibor (2008). Forging unity: The South Slavs between East and West 550-1150. Belgrade: The Institute of History, Čigoja štampa
Кунчер, Драгана (2009). Gesta Regum Sclavorum. 1. Београд-Никшић: Историјски институт, Манастир Острог
Живковић, Тибор (2009). Gesta Regum Sclavorum. 2. Београд-Никшић: Историјски институт, Манастир Острог

Nexus externi

Vicimedia Communia plura habent quae ad Ioannem Vladimirum spectant.

[1] Fine 1991, pp. 193, 202

[1]