Neuropsychologia

Neuropsychologia est disciplina, qua scientiae neurologiae psychologiaeque coniunguntur. Explorat, quomodo cognitio et cogitatio e processibus chemicis systematis nervosi et ex eorundem nexibus fiunt.

Rationes investigationum neuropsychologicarum item a psychologia quam a medicinae subdisciplinis etenim neurologia, neuroanatomia, neurobiologia, neurolinguistica, neuropathologia, neurophysiologia oriuntur.

Symptomata neuropsychologica

Hodie symptomata numerosa in neuropsychologia observantur tractanturque. Pleraque illorum ad alias quoque disciplinas ut neurologiam vel psychopathologiam spectant.

Acalculia et Dyscalculia

Conferatur pagina principalis Acalculia (symptoma).

Conferatur pagina principalis Dyscalculia (symptoma).

Agnosia obiectorum aspectabilium

Perturbationes visus variis formis se manifestant. Notae sunt agnosiae formae (inopia lineas obiecti videndi), aperceptiva (inopia partes obiecti in totum ligandi), associativa (nexus falsus cum memoria semantica).

Amnesia

Amnesia vel syndrome amnestica est malum grave memoriae, non malae attentionis causa.

Anosognosia

Anosognosia significat neglegentiam morborum damni cerebralis (e.g. apoplexiae) causa.

Aphasia

Complures regiones hemisphaerae cerebralis sinistrae cum lingua nexae: area Brocalis (caerulea) et area Wernickensis (viridis) in lobo temporali; gyrus supramarginalis (flavus)

Symptoma aphasiae (a verbo Graeco ἀφασία) in genere est deminutio vel damnum linguae intellegendae vel creandae mali cerebralis causa. Strictius dictum damnum hoc saxis linguam constituentibus deicit,^? quae sunt phonologia, semantica, syntaxis, vocabularium. Non aphasiae sunt dysarthria, malum orientationis pars dementiae, deminutio incitationis. Structura cerebri affecta, centrum cerebrale linguae notum in sinistro lobo temporali de consuetudine locata est.
Intra cerebri lobum temporalem sinistrum complures areae linguam intellegendi creandique inveniuntur et malum iam unius earum syndromam propriam perficiat, in parte cum nomine proprio - per exemplum damnum areae Brocalis syndromam aphasiae Brocalis perficit. Momentum ad linguam habent:

• Gyrus frontalis inferior (areae 44, 45/47; cum area Brocali)
• Gyrus temporalis superior (cum cortice auditivo et area Wernickensi)
• Gyrus supramarginalis (area 40)
• Gyrus temporalis medius

Dementia

Conferatur pagina principalis Dementia.

Dysarthria et apraxia linguae

Hic effectus motorici phonationis, articulationis, spirationis malorum causa mutati sunt.

Bibliographia

• Hartje W. et Poeck K. (2006): Klinische Neuropsychologie (Liber definitivus neuropsychologiae), Stutgardiae, Thieme (Theodisce)
• Luria, A.R. (1973): The Working Brain. An Introduction to Neuropsychology. Londinii, Penguin Books (Anglice)

Nexus interni

• Alexander Luria
• Memoria
• Neuroscientia
• Paulus Broca
• Oliverus Sacks
• Psychologia cognitiva

Nexus externi

• Societas internationalis neuropsychologiae (Anglice)

stipula

Haec stipula ad biologiam spectat. Amplifica, si potes!

De Medicina