Observatoire vu Stroossbuerg

48° 35’ 00’’ N 07° 46’ 05’’ O

Observatoire a Planetarium vu Stroossbuerg

Den astronomeschen Observatoire vu Stroossbuerg steet um historesche Campus vun der Universitéit Louis Pasteur zu Stroossbuerg a Frankräich. E gouf tëscht 1876 an 1880 gebaut, an den 22. September 1881 ageweit.

Den Observatoire ass e Centre de recherche et d'enseignement an deem et och e Planetarium gëtt an e Centre de données astronomiques.

Et ass den drëtten Observatoire deen am Laf vun der Zäit zu Stroossbuerg gebaut gouf. Den éischte gouf 1673 an engem Tuerm vun de Stadmaueren ageriicht, an den zweeten 1928 um Daach vum Akademiesgebai.

Den éischten Direkter war vun 1872 bis 1886 den däitschen Astronom August Winnecke. Aner bekannt Astronomen, déi am Stroossbuerger Observatoire geschafft hu waren de Julius Bauschinger, Direkter vun 1909 bis 1919, de William Lewis Elkin, den Ernest Esclangon, Direkter vun 1919 bis 1929, den André Danjon, Direkter vun 1929 bis 1945, de Pierre Lacroute, Direkter vun 1946 bis 1976, den Ernst Hartwig, den Otto Tetens, de Carl Wilhelm Wirtz an de Walter Wislicenus.