Ecoduk
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
'n Ecoduk, ecopassaasj of wèldviaduk is 'n landbrögk euver 'ne weeg, dèks 'nen otosnelweeg, boe-euver bieste vaan 't ein nao 't aander deil vaan hun leefgebeed kinne goon.
In d'n twintegsten iew heet me diverse kiere snelweeg aongelag door natuurgebeed. Dèks waore die weeg vaanaof 't begin al controversieel, neet in de lèste plaots door d'n inbreuk op de natuur. Wèld perbeert dèks de weeg euver te steke, wat de bieste mèt d'n doed mote bekoupe. 'n Oplossing is 't zètte vaan hèkke, meh dat maak de leefwereld vaan de bieste váöls te klein. Veur dit doel zien daan de wèldviadukte in 't leve gerope.
In hoegweerdeg natuurgebeed mèt drökke snelweeg, beveurbeeld de Hoeg Kempe en de Veluwe, zien de ecodukte es ierste versjene (zuug pleetsjes). De lèste jaore bouwt me ze ouch in kleinder natuurgebede, soms euver aander weeg es snelweeg.