Quechua
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Quechua (inheims Runa Simi, minsetaol) is 'n inheimse taol vaan Zuid-Amerikaanse Indiane, veurnaomelek in de middel-Andes. 't Kèrngebeed ligk in Peru en Bolivia, meh de taol weurt ouch gesproke in Ecuador, Colombia, Chili, Argentinië en 't Braziel. Ze heet zoe'n 10 miljoen sprekers en is daomèt de meis gesproke vaan al Indianetaole.
Quechua is 'n agglutinerende taol en is ing verwant mèt 't Aymara. De taol kint 'n aontal (hiel regelmaotig) naomvalle en kin wäörd mèt hiel väöl suffixe aoneinrijge; dit kump veural bij verbe veur. E bezoonderheid is tot me bij d'n ierste persoen miervoud versjèl maak tösse veer alle, veer zoonder uuch en veer zoonder diech. De taol weurt in drei dialectische hoofgróppe verdeild: Quechua I, Quechua II en Noord-Quechua. De veurnaomste versjèlle zitte in de oetspraak vaan plosief consonante. In de gebejer boe 't Quechua mie mèt 't Spaons mót concurrere verluis 't snel terrein en kump 'n mingtaol op: 't Media Lengua, wat 'n Spaonse vocabulair en 'ne Quechua-grammair heet.
In Peru en Bolivia is 't Quechua neve 't Spaons 'n officieel landstaol.
Extern linke
[bewirk | brón bewèrke]- Tekst van leed in Quechua
- Vertaling leed hiebaove in Ingelsj
- Grammair vaan 't Quechua, op 't Spaons en 't Ingels
 |
't Geuf 'n Quechuaanse editie van Wikipedia, de vriej encyclopedie. |