Edwin Powell Hubble

'Na fòto do Edwin Powell Hubble, 1931

Edwin Powell Hubble, astronnomo stætunieize (Marshfield, Missouri, 1889 - S. Marino, California, 1953) inti osservatöi Yerkes e (da-o 1919) monte Wilson. O so nomme l'è ligao sorvetutto a doe scoverte fondamentæ ch'han averto a stradda a-a nascita de l'astrofixica extragalattica e da cosmologia moderna.

Vitta

Into 1924, dœuviando o gran telescoppio de l'osservatöio do monte Wilson, Hubble o dimostrò che a nebuloza de Andromeda a l'ea in realtæ una galascia, saiv'a dî un scistema de stelle anallogo a-a nòstra Via Lattea. Fra o 1925 e o 1930, studiando di âtre galascie, che into mentre ean stæte individuæ, o scrovì che queste s'alontanavan tutte da noi co-ina veloçitæ direttamente proporçionâ a-a so distança (lezze de Hubble, a-a quæ l'è corelao ascì a costante de Hubble e o tempo de Hubble).

O telescòppio do Mount Wilson dœuviao da Hubble pe dimostrâ che e galascie s'alontanan da noi e con quæ veloçitæ

Fra e tante âtre noteive contribuçioin de Hubble a l'astrofixica galattica e extragalattica aregordemmo: i studdi in sce-e nebuloze, a riflescion e, in particolâ, a scoverta da relaçion ch'a liga e dimenscioin angolæ de questi oggetti a-a magnitudine apparente da stella ch'a i inlumina; un schema de clascificaçion de galascie, che, opportunamente ampliao e modificao, o l'è tuttoa adotao.

A-o nomme de questo astronnomo l'è stæto intitolao un grande osservatoio astronommego spaçiâ (o Hubble Space Telescope), misso in orbita into 1990.

Atri progètti

Altri progetti

• Wikimedia Commons

• Wikimedia Commons a contêgne di files in sce Edwin Powell Hubble