Batang Yordan
| Batang Yordan (Ibrani: נהר הירדן, Nehar haYarden Arab: نهر الأردن, Nahr al-Urdun) | |
| Batang aia | |
 | |
| Name origin: Ibrani: ירדן (yardén, "nan manurun") < ירד (yarad, "turun")[1] | |
| Nagara | Israel, Palestina, Yordania |
|---|---|
| Regions | Asia Barat, Mediterania Timur |
| Kabupaten | Galilea |
| Anak sungai | |
| - kida | Batang Banias (Israel), Batang Dan, Batang Yarmuk, Batang Zarqa |
| - suok | Batang Hisbani (Libanon), Batang Iyyon |
| Landmarks | Danau Galilea, Lauik Mati |
| Ulu | |
| - elevation | 2.814 m (9.232 ft) |
| Muaro | Lauik Mati |
| - katinggian | −416 m (−1.365 ft) |
| Length | 251 km (156 mi) |
Batang Yordan (Ibrani: נהר הירדן nehar hayarden, Arab: نهر الأردن nahr al-urdun) adolah batang aia di Asia Barat Daya nan bahulu di Lauik Galilea (Danau Tiberia) nan di utara kudia bailia ka Lauik Mati. Batang Yordan mambantang sajauah 251 km. Batang aia ko manjadi panando bateh wilayah antaro Israel jo Tapi Barat, Palestina di sisi tapian barat batang aia jo Yordania sarat Dataran Tinggi Golan di tapian timurnyo. Baiak Yordania jo Tapi Barat, maambiak namo nagara jo wilayahnyo dari batang aia ko.[2]
Batang aia ko sangek pantiang untuak Yudaisme jo Kristen sabagai tampek Bani Israel malinteh ka Tanah Pajanjian (Promised Land; Tanah Kanaan) sarato tampek Yesus Kristus dari Nazaret dibaptis dek Yohanes Pambaptis, manuruik Alkitab.[2]
Etimologi
[suntiang | suntiang sumber]Namo batang aia ko dalam bahaso Ibrani: "ירדן" (yardén, bahaso Inggirih: descender), aratinyo "nan manurun". Dari aka kato "ירד" (yarad, bahaso Inggirih: to descend), sabuah kato karajo nan aratinyo "turun, manurun, manuruni, manuju ka arah bawah".[1]
Geografi
[suntiang | suntiang sumber]Ulu Batang Yordan adolah Lauik Galilea jo ilianyo di Lauik Mati. Lambah di bagian ulu disabauik jo Lambah Hula, sadangkan lambah di ilia dinamokan Lambah Yordan. Lambah Yordan manjadi muaro dari Batang Yarmuk jo Zarqa.
Ulu batang aia dialiri dek Batang Hasbani, Banias, Dan jo Iyyon. Aia manurun sajauah 75 kilometer ka Danau Hulu nan lataknyo sapinteh di ateh permukaan lauik. Kalua dari danau, aia malalui jurang nan labiah curam sapanjang 25 kilometer manurun ka Lauik Galilea (suduik utaranyo). Batang Yordan manyimpan banyak lumpua nan dibaoknyo ka dalam danau, nan kudian maandok di ujuang selatan di Banduangan Degania. Bagian sapanjang 120 kilometer tarakhia dari batang ko maalia di Lambah Yordan jo kamiriangan labiah saketek sarato bakelok-kelok sabalun masuak ka Lauik Mati, nan bakatinggian 422 meter dibawah permukaan lauik tanpa saluran kalua. Duo anak sungai utamo masuak dari timur di bagian akia batang aia.
Bagian utara dari Lauik Galilea masuak dalam Israel nan babatehan jo Dataran Tinggi Golan di sisi baratnyo. Samantaro di sisi selatannyo mambantuak bateh wilayah jo Yordania (timur) jo Israel (barat).
Anak sungai
[suntiang | suntiang sumber]
Aliran aia nan bagabuang mambantuak Batang Yordan lataknyo di ulu, antaro lain dari sisi barat ka timur:
- Iyyon (Hebrew: עיון Iyyon ), namo Arab: Batang Ajoun,[3] dinamoi juo دردره Dardara untuak bagian paliang ulu jo براغيث Bareighith atau Beregeith untuak bagian sisonyo, maalaia dari area Merj 'Ayun di selatan Lebanon.
- Hasbani (Arab: الحاصباني Hasbani, Hebrew: שניר Snir atau Hatzbani), maalia dari barat daya kaki Gunuang Hermon di Lebanon,[4][3] jo volume aia mancapai 118 juta m3 tiok taun.[5]
- Dan (Arab: اللدان Leddan atau Liddan, Hebrew: דן Dan), paliang gadang di antaro batang-batang aia di ulu Yordan nan maaliri 240-252 juta meter kubik per tahun, kira-kira dua kali lipas volume air Hasbani atau Banias,[3][5] sarati baulu juo dari Gunuang Hermon.[6][3]
- Banias (Arab: بانياس Banias , Hebrew: Banias atau חרמון Hermon),[6][3] aliran aia dari mato aia Banias di kaki Gunuang Hermon, jo volume aia mancapai 106 juta m3 tiok taun,[5] sarato
- Nahal Sion atau Nahal Assal (Hebrew) / Wadi el-'Asl atau Assal (Arab) sabagai anak sungai utamo.[3][7]
Samantaro di selatan Lauik Galilea, Batang Yordan manarimo aia dari timur, antaro lain:
- Yarmuk, anak sungai paliang gadang di ilia Batang Yordan nan mambagi wilayah Suriah jo Yordania, sarat Yordania jo Israel.[8][9]
- Zarqa[9] anak sungai paliang gadang kaduo di ilia Batang Yordan.
Anak sungai nan labiah ketek atau "wadi" pado bagian iko nan barasa dari timur (6-10), bauruik dari utara ka selatan[8][8]
- Wadi al-'Arab[9]
- Wadi Ziqlab[9]
- Wadi al-Yabis[9]
- Wadi Kafranja[9] atau Kufrinjah malinteh dakek Ajloun
- Wadi Rajib[9]
- Wadi Nimrin[9]
Samantaro nan dari barat
- Nahal Yavne'el[9]
- Nahal Tavor (Tabor)[9]
- Nahal Yissakhar[9]
- Nahal Harod[9]
- Nahal Bezeq, di bateh antaro Israel jo Tapi Barat, antaro Gunuang Gilboa jo Pagunuangan Samaria[9]
- Wadi Malih/Milkha dari Pagunuangan Samaria[9]
- Wadi al-Far'a datang dariNablus[9]
- Wadi Auja[9] (Arab) atau Nahal Yitav (Hebrew)
- Wadi Qeltcoming manurun dari Pagunuangan Judea sarato malinteh di Jericho[9]
Rujuakan
[suntiang | suntiang sumber]- ↑ a b Klein, Ernest, A Comprehensive Etymological Dictionary of the Hebrew Language for Readers of English, The University of Haifa, Carta, Jerusalem, p.264
- ↑ a b "An Interfaith Look at the Jordan River". Diarsipkan dari versi asli tanggal 18 April 2017. Diakses tanggal 16 January 2017.
- ↑ a b c d e f Mark Zeitoun, Karim Eid-Sabbagh, Muna Dajani, Michael Talhami (2012). "Hydro-political Baseline of the Upper Jordan River". Beirut: Association of the Friends of Ibrahim Abd el Al (AFIAL) with the UEA Water Security Research Centre. hlm. 19–23, chapter Sources of the Jordan (2.1). Diarsipkan dari versi asli tanggal 6 August 2020. Diakses tanggal 18 April 2020.
- ↑ Essays in Political Geography. Routledge. 19 Nopember 2016. p. 260. ISBN 9781317605287. https://books.google.com/books?id=rhAzDAAAQBAJ&pg=PT260. Diakses pado 17 Januari 2019.
- ↑ a b c Rimmer, Alon; Salingar (2006). Krzysztofowicz, R., ed. "Modelling precipitation-streamflow processes in karst basin: The case of the Jordan River sources, Israel" (PDF). Journal of Hydrology. Elsevier. 331 (3–4): 527–528. Bibcode:2006JHyd..331..524R. doi:10.1016/j.jhydrol.2006.06.003. Diakses tanggal 20 July 2011.
Rainfall and snowmelt of Mt. Hermon recharge the main tributaries of the UCJR: (1) Dan (252 x 106 m3 annually); (2) Snir also known as Hatzbani (118 x 106 m3); and (3) Hermon also known as Banias (106 x 106 m3) (Table 2 and Fig. 2).
[pranala nonaktif permanen]Templat:Dead - ↑ a b Jordan River, Carta Jerusalem, accessed 82020
- ↑ Zeitoun, Mark et al. (2012), p.36
- ↑ a b c The Food and Agriculture Organization (FAO)] of the United Nations, Jordan Basin, based on 2009 "Water Report 34", accessed 18 April 2020
- ↑ a b c d e f g h i j k l m n o p q Gafny, S. et al. (2010), Map of the Lower Jordan River, retrieved 14 April 2020