Musik Minang

Musik Minang (singkatan dari musik Minangkabau) adolah salah satu aliran musik Nusantara baiak tradisional maupun modern nan tumbuah jo bakambang di Alam Minangkabau. Musik nan asa mulnyo bakaik jo Musik Malayu ko umumnyo dimainkan jo alaik-alaik musik sarupo talempong, saluang, rabab, sarunai, rabano, bansi, aguang, gandang, bahkan biola. Musik Minang pun dimainkan untuak mairiangi baragam tarian sarupo Tari Pasambahan jo Tari Piriang.

Pop Minang

Pop Minang adolah istilah nan marujuak ka sadoalah jinih musik populer nan disampaikan dalam bahaso Minangkabau. Alun lai jaleh asa mulonyo, tapi dipakirokan barasa dari akhia abaik ka-19 nan sangkek tu tangah bakambang pangaruah musik populer di Padang.

Alaik musik

Alaik musik dipakai untuak mairiangi lagu Minang. Ado macam alaik nan dipakai, bagantuang pado genre musiknyo. Namun, sacaro umum tabagi manjadi alaik musik tradisi jo modern.

Alaik-alaik musik tradisi di antaronyo:

• Aguang
• Bansi
• Talempong
• Pupuik
• Gandang
• Rabab
• Rabano
• Saluang