Pambantaian Tuzla
| Pambantaian Tuzla | |
|---|---|
| Bagian dari Parang Bosnia | |
 | |
| Tampek | Tuzla, Bosnia jo Herzegovina |
| Tangga | 25 Mai 1995 20.55 (UTC+1) |
| Target | Jalanan kota |
Jinih sarangan | Tembakan artileri |
Kurban tewas | 71 |
Kurban luko | 240 |
| Palaku | Angkatan Darat Republik Srpska |
Pambantaian Tuzla adolah kajadian pado tanggal 25 Mai 1995, di mano Angkatan Darek Republik Srpska (VRS) malakuan sarangan artileri taradol kota Tuzla di Bosnia timua, nan manyabaukan 71 urang tewas jo 240 urang lainnyo luko-luko.
Antaro tanggal 25 inggo 28 Mai 1995, babarapo proyektil artileri alah ditembakan ka Tuzla dari posisi Angkatan Darek Republik Srpska (VRS) dakek kampuang Panjik di Gunuang Ozren, sakita 25 km barik Tuzla. Pado tanggal 25 Mai 1995 (ulang taun Marsekal Tito jo Estafet Pamudo di bakeh Yugoslavia) pado jam 20.55, ciek paluru fragmentasi badaya ledak tinggi badantuang dari mariam artileri tarik bakaliber 130mm, kanai bagian kota nan banamo Kapija. Akibaiknyo 71 urang tewas jo 240 lainnyo luko-luko.[1][2][3] Sadonyo nan tewas adolah masarakaik sipil jo sabagian gadang baumua antaro 18-25 taun. Walikota Tuzla Selim Bešlagić mambuek ciek panyatoan kapado Dewan Kaamanan Paserikatan Banso-Bangso pado ari tu juo, jo manyabuik baso VRS "fasis" sarato mandasak "Demi Tuhan jo umaik manusia gunokanlah kakuatan pado akianyo."[4] Pado tanggal 25 jo 26 Mai, NATO malakuan sarangan udara taradok gudang amunisi VRS di Pale satalah tajadi palanggaran Zona Eksklusif jo panembakan di Wilayah Aman PBB.
Novak Đukić, bakeh perwira VRS ditangkok di Banja Luka pado tanggal 7 November 2007. Pado saaik tajadi sarangan, Đukić adolah komandan dari Grup Taktis Ozren. Pasidangannyo dimulai pado 11 Maret 2008. Pado tanggal 12 Juni 2009, Đukić dinyatoan basalah dan dijatuahi ukuman 25 taun pinjaro.[5] Pado tanggal 10 September 2010, Panel Naiak Bandiang manolak pamuhunan bandiang Đukic sabagai indak badasa, jo manguekkan putusan patamo pado 12 Juni 2009 sacaro kasaluruahannyo.[6]
Pado taun 2009, Pardano Mantari Republik Srpska Milorad Dodik manyatoan baso sarangan tasabuik adolah rekayasa, jo mampatanyoan pambantaian Markale di Sarajevo. Kota Tuzla mangajuan tuntutan taradok Dodik ateh panyatoan-panyatoannyo itu. Kota Sarajevo mangajuan tuntutan pidana taradok Dodik ateh panyalahgunoan kakuasaan, jo manghasuik kabancian etnis, ras jo agamo.[7] Kantua Pawakilan Tinggi mangatoan baso Dodik mambantah kajahatan parang alah dilakuan, jo manyatoan baso "Katiko fakta miriang samacam tu datang dari surang pajabaik nan barado dalam posisi batangguang-jawaik panuah, surang pajabaik nan bakawajiban untuak managakan Pajanjian Padamaian Dayton jo bakarajo-samo jo Pangadilan Den Haag, mako mareka sangaik indak batangguang-jawaik sarato malamahkan, indak anyo kapado institusi nan batangguang-jawaik untuak managakan supremasi ukum, tapi juo kapado kredibilitas individu tu surang".[8]
Caliak pulo
[suntiang | suntiang sumber]
- Daftar pambantaian di Bosnia jo Herzegovina
- Insiden barisan Tantaro Rakyaik Yugoslavia di Tuzla 1992
Rujuakan
[suntiang | suntiang sumber]- ↑ "Bosnian Serb jailed for massacre". 12 June 2009.
- ↑ "Djukic: Regaining Faith in Bosnia Justice". 19 May 2009.
- ↑ "Bosnian War Crimes Charges Upheld". 4 January 2008.
- ↑ "The Speech of Mayor of Tuzla–Mr. Selim Beslagic–Tuzla, May 25th 1995". Diarsipkan dari versi asli tanggal 2018-01-07. Diakses tanggal 2018-04-27.
- ↑ "Novak Đukić sentenced to 25 years imprisonment". Diakses tanggal 12 May 2009.
- ↑ "Novak Đukić appeal dismissed". internationalcrimesdatabase.org.
- ↑ "Sarajevo files charges against RS's Dodik". 7 October 2009.
- ↑ "OHR slams Dodik statements". 16 September 2009. Diarsipkan dari versi asli tanggal 28 July 2011. Diakses tanggal 27 April 2018.