Taman Nasional Sagarmatha
| Sagarmatha National Park | |
|---|---|
IUCN Kategori II (Taman Nasional) | |
 Taman Nasional Sagarmatha | |
| Letak | Provinsi No. 1, Nepal |
| Kota terdekat | Namche, Khumjung |
| Luas | 1,148 km2 (443 sq mi) |
| Didirikan | July 19, 1976 |
| Pihak pengelola | Department of National Parks and Wildlife Conservation |
| Situs web | sagarmathanationalpark.gov.np |
Taman Nasional Sagarmāthā (sagaramāthā rāṣṭriya nikuñja) adolah kawasan linduang di Pagunuangan Himalaya di Nepal timur nan sabagian gadangnyo tamasuak Gunuang Everest. Lawehnyo maliputi 1,1481,148 km2 (443 sq mi) di Distrik Solukhumbu jo di katinggian antaro 2,845 to 8,848 (9,334 inggo 29,029 kaki) iyolah pado puncak Gunuang Everest. Di sabalah utaranyo tadapek bateh internasional jo Cagar Alam Nasional Qomolangma nan masuak Daerah Otonomi Tibet sarato mamanjang sampai ka batang aia Dudh Kosi di sabalah selatan. Di sabalah timurnyo babateh jo Taman Nasional Makalu Barun.[1]
Sagarmāthā adolah kato bahaso Nepali, barasa dari सगर् sagar aratinyo "langik" jo माथा māthā aratinyo "kapalo".[2]
Kawasan linduang ko alah ditantukan sabagai Daerah Pantiang Buruang dek BirdLife International jo tamasuak dalam Panorama Suci Himalaya.[3]
Sijarah
[suntiang | suntiang sumber]Taman Nasional Sagarmatha ditagakan pado taun 1976. Taun 1979, manjadi taman nasional patamo dari nagara ko nan dimasuakan sabagai Situs Alam Warisan Dunia. Pado Januari 2002, ditambahan sabuah Zona Panyangga salaweh 275275 km2 (106 sq mi). Di bawah Padoman Pengelolaan Zona Panyangga, konservasi rimbo, kaidupan lia, jo sumber daya alam mandapek prioritas utamo, diikuti jo konservasi sumber daya alam lainnyo sarato pangambangan energi alternatif.[4]
Pariwisata di daerah ko dimulai awa taun 1960-an. Pado taun 2003, sakita 19,000 wisatawan datang bakunjuang. Labiah kurang 3,500 urang Sherpa tingga di kampuang-kampuang sarato pamukiman musiman nan talatak sapanjang jalua wisata utamo.[5] Pusek informasi pangunjuang taman ko barado di puncak bukik di Namche Bazaar, di ma satu kompi Tantaro Nepal ditampekan sabagai panjago taman ko. Pintu masuak selatan taman ko talatak babarapo ratuih meter di sabalah utara Monzo pado katinggian 2,8352,835 m (9,301 ft), iyolah satu ari pajalanan dari Lukla.[6]
Pamandangan alam
[suntiang | suntiang sumber]Taman ko maliputi daerah tangkapan aia untuak bagian ateh batang aia Dudh Kosi, lambah batang aia Bhotekoshi, jo danau-danau Gokyo. Sabagian gadang daerah ko tadiri dari medan babatu-batu jo ngarai-ngarai di katinggian Himalaya, antaro 2,8452,845 m (9,334 ft) di Monjo inggo ka puncak tatinggi dunia Sagarmatha (Gn. Everest) 8,8488,848 m (29,029 ft) di ateh pamukoan lauik. Puncak-puncak lainnyo nan di ateh 6,0006,000 m (20,000 ft) adolah Lhotse, Cho Oyu, Thamserku, Nuptse, Amadablam, jo Pumori. Tanah tandus di ateh katinggian 5,0005,000 m (16,000 ft) maliputi 69% taman, samintaro 28% adolah tanah pangumbaloan, jo sisanyo 3% rimbo. Zona-zona iklimnyo iolah zona rimbo baiklim sadang, zona iklim subalpin di ateh 3,0003,000 m (9,800 ft), jo zona iklim alpine di ateh 4,0004,000 m (13,000 ft) nan marupoan bateh ateh patumbuahan tumbuh-tumbuhan. Zona nival dimuloi sajak 5,0005,000 m (16,000 ft).
Tumbuah-tumbuahan
[suntiang | suntiang sumber]Di zona rimbo nan labiah randah, tumbuah batang-batang puhun betula, juniper, camaro biru, fir, batuang jo rhododendron. Di ateh zona ko tumbuah-tumbuahan baukuaran ketek bana atau samak-samak sajo. Pado katinggian nan labiah lai tumbuah-tumbuahan tabateh pado lumuik jo lumuik karak sajo. Di ateh katinggian 5,7505,750 m (18,860 ft) indak ado tumbuah-tumbuahan nan iduik dek iko bateh salju abadi Himalaya.[7]
Rimbo camaro jo hemlock manutuik katinggian nan labiah randah di taman nasional ko. Pado katinggian sakita 3,5003,500 m (11,500 ft) atau labiah, rimbo-rimbo nan ado tadiri dari batang-batang puhun fir perak, betula, rhododendron, jo juniper.[8]
Fauna
[suntiang | suntiang sumber]Rimbo-rimbo di taman ko adolah habitat untuak saindaknyo 118 spesies buruang, tamasuak monal Himalaya, pegar darah, chough paruah sirah, jo chough paruah kuniang. Taman Nasional Sagarmāthā adolah rumah juo untuak babarapo mamalia langka, tamasuak ruso kasturi, macan tutul salju, baruang itam Himalaya, jo panda sirah. Thar Himalaya, langur, martes, jo sarigalo Himalayan lai tadapek juo di sinan.[9]
Suhu jo katasadioan oksigen manurun sasuai jo maningkeknyo katinggian. Co iko, spesies nan iduik di dataran tinggi alah baadaptasi untuak iduik jo saketek oksigen jo suhu nan sabana sajuak. Banyak nan babulu taba untuak manjago paneh tubuah. Babarapo jadi batubuah pendek dek untuak mancagah ilangnyo paneh tubuah. Baruang itam Himalaya pai bahibernasi di gua salamo musim dingin kutiko indak ado makanan nan dapek ditamuan lai.[10]
Rujuakan
[suntiang | suntiang sumber]- ↑ Bhuju, U. R., Shakya, P. R., Basnet, T. B., Shrestha, S. (2007). Nepal Biodiversity Resource Book. Protected Areas, Ramsar Sites, and World Heritage Sites Archived 2012-03-01 di Wayback Machine.. International Centre for Integrated Mountain Development, Ministry of Environment, Science and Technology, in cooperation with United Nations Environment Programme, Regional Office for Asia and the Pacific. Kathmandu, Nepal.
- ↑ Turner, R. L. (1931). सगर् sagar Archived 2019-09-13 di Wayback Machine. and माथा matha Archived 2019-09-13 di Wayback Machine. in: A comparative and etymological dictionary of the Nepali language. K. Paul, Trench, Trubner, London.
- ↑ "Sacred Himalayan Landscape". Government of Nepal – Department of National Parks and Wildlife Conservation. Diarsipkan dari versi asli tanggal 12 June 2013. Diakses tanggal 23 February 2013.
- ↑ Heinen, J. T. and J. N. Mehta (2000). Emerging Issues in Legal and Procedural Aspects of Buffer Zone Management with Case Studies from Nepal. Journal of Environment and Development 9 (1): 45–67.
- ↑ Byers, A. (2005). Contemporary human impacts on Alpine ecosystems in the Sagarmatha (Mt. Everest) national park, Khumbu, Nepal. Annals of the Association of American Geographers 95 (1): 112–140.
- ↑ "World's highest ER battles to save lives on Everest" (dalam bahasa Inggris). Diarsipkan dari versi asli tanggal 2018-09-03. Diakses tanggal 2018-09-03.
- ↑ www.alpineecotrek.com, Alpine Eco Trek -. "Everest View Trek | Short Everest Trek Suitable for Kids/Family". www.alpineecotrek.com. Diarsipkan dari versi asli tanggal 2018-09-03. Diakses tanggal 2018-09-03.
- ↑ "Himalaya mountain forests, Sagarmatha National Park, Nepal | GRID-Arendal". Diakses tanggal 2018-09-03.
- ↑ "Flora and Fauna - Great Himalaya Trails". Great Himalaya Trails (dalam bahasa Inggris). Diarsipkan dari versi asli tanggal 2018-09-03. Diakses tanggal 2018-09-03.
- ↑ "The Himalayan opportunity" (dalam bahasa Inggris). Diarsipkan dari versi asli tanggal 2018-09-03. Diakses tanggal 2018-09-03.
Bacoan lanjutan
[suntiang | suntiang sumber]- Jefferies, M. (1991). Mount Everest National Park, Sagarmatha Mother of the Universe. Seattle: The Mountaineers. 192 pp.