Hippiekultuur

De hippiekultuur is n jeugdkultuur, subkultuur en n tegenkultuur, wölken in midden van de jaoren '60 opkwaam. Hippies wöd ok wel ezien as de 'makers' van de flowerpowerbeweging en bint daorumme ok vake verbunnen met de seksuele, muzikale en sosiale revolusie(s) van en midden jaoren '60 töt begun jaoren '70. t Uutkommen van Sgt. Pepper's Lonely Hearts Club Band (1967) van The Beatles wöd wel iens t begun enuumd van disse flowerpowerbeweging.

Hippiefilosofie

Hippies warren tegen de kapitalistiese en materialistiese maotskappi'je van den tied. Ze preuten der van dat disse maotskappi'je völle gebruuk maakt van technologie, en zeen dat dit zörgt veur onnatuurlikheid, kunstmaotigheid en milieuvervuling. Maensen in disse maotskappi'je bint knieperds, vernemstige en greutsige lu en bint uut op vastigheid en macht. En dat giet naor burgerlikheid, en deur de völle regels die der warren bint maensen krang ewörren in eure vri'jheid. Ok de vri'jheid wölken maensen hebt in eur gevulens en ideen wörren onderdrukt, wat uutaenlik zol gaon naor n geestliken leugigheid. Ok hebt n hippies zuch drok emaakt um de oorlogen en liefdeloosheid van de weerld.

Hippies gungen niet op n plein staon demonstreren, met n hoop dat der wat zollen gao veraanderen, maor zi'j hadden van dat as t noe goed konnen ween, dan was t noe goed. Hippies gungen zölf leven zo as zi'j dat graag ezien hadden, um as veurbeeld te ween. Meestenstied stapten zi'j uut de maotskappi'je en gungen zölf aans leven, dit nume wi'j dan ok n tegenkultuur. Dat hippies aans warren, wörren benaodrukt deur de opvallende kleren wat zi'j dreugen. t Leven buten de reguliere maotskappi'je vunnen mangs plaatse in n kommune, hierin was men ericht op goede kommunikasie, zörgzaamheid, en t delen van völle zaken met mekare. Hierin kon men ok zien ekologiese ideaolen töt uutdrokking brengen deur simpel, natuurlijk en zelfveurzienend te leven. Liefde stön ok in t midden, men waar dus veur pasifisme, vrede en geliekheid tussen rassen. De leefwieze van de Hippie was ericht op vri'jheid, spontaniteit, kreativiteit en plezier. De vri'jheid umvatte ok seksuele vri'jheid, waorbi'j seksuele taboes (bi'jveurbeeld op openbare naaktheid) werd deurbreuken en de vri'je liefde (ok buten vaste relasies umme) werd bedreven. De hippie probeerden zien gieste te verrieken en töt ni'je ideeën te kommen. Ienerzieds via giestveruumde middelen (druks), die werd ezeen as n methode um t bewustzien van maensen te verbeteren. Aanderzieds ok met hulp van oosterse religie, mystiek en spiritualiteit.

Dit artikel is eskreaven in et sallandske dialekt van t Vechtdal, in de Algemene Nedersaksiese Schriefwieze.